Yohane 1:17 - Sura Malelaha

¹⁷ Au tadoko hangko i Musa hangkoia iami aturana Pue Ala. Agaiana au tadoko hangko i Yesu Kerisitu melumbu hangko indo iami kabulana laluna Pue Ala hai paturoNa au manoto.

Yohane 1:17 Referans Kwoze

Roma 6:14

Ikita, barapoke nakuasai dosa, bara anti pampeulainta Aturana Musa, agaiana anti pampeulainta kabulana laluna Pue Ala.

Yohane 14:6

Nauli Yesu, “Ikomi rara, Ikomi au mopahawe paturo au tou, hai Ikomi au moweikau katuwo au bara mokahopoa. Bara ara hadua au peisa hawe i UmaNgku, ane bara mepoinalai Iriko.

Yohane 1:14

Ngkora iti mewali manusia, hai maida i olonta i dunia ide. Hai ikami, kiitami kamahilena kuasaNa. KuasaNa iti Nalambi hangko i UmaNa, lawi iami AnaNa HaduduaNa. LolitaNa tou mpuu, hai tongawa ope-ope kabulaNa laluNa irikita.

Ibarani 9:22

Moula Aturana Musa, paka-pakana hangangaa rabahoi hai wahe. Ane bara ara wahe hangko i kapate, bara teampungi dosanta.

Yohane 8:32

hai ane topeulaNgku mpuumokau, ina niisa mpuu paturo au tou, alana tekabahakau hangko i karapohawimi.”

Yohane 7:19

Nabi Musa hangkoia moweikau Aturana Pue Ala. Agaiana barakau ara hadua au mampeulai Atura iti. Moapa hai nipeinaoNa nipapate?”

Suro 28:23

Roo indo, rapakanotomi alo poteruhuanda hai Paulu. Hawe mpuumi alo au rapakanoto, bosa tauna teruhu i paidaana Paulu. Mepongka madondo hawe kalumba, napakanotoahe Paulu kana i poparentana Pue Ala, hai nabasaahe Aturana Musa hai Suranda Nabi-nabi, bona manoto irihira kahemana Yesu bona mepoinalaihe Iria.

Galatia 3:17

Mewali halalu, idemi lempona ngkora pandiriku inona: nguru-nguruna Pue Ala mopenemi dandiNa i Burahima. Iba atuna hai talu pulona parena roo indo, Ia mowei wori AturaNa Musa. Agaiana Atura iti bara mpuu mobaliki dandina Pue Ala au Napaarami hangkoia i Burahima. DandiNa iti batena mewali.

Suro 7:38

Musa iti au mokampaihe to Yahudi au bosa i pada wungi. Ia hihimbela hai toiorunta hangkoia, hai ia wori au mohadi lolitana malaeka i Bulu Sinai. Iami au modoko Ngkora Ngkatuwo hangko i Pue Ala bona rapahaweake duuna ide-ide.

Yohane 5:45

Inee nipehangu Iko au ina mosalaikau i lindona UmaNgku. Agaiana nabi Musari au ina mosalaikau, au iriakau meharunga.

2 Korintu 1:20

Lawi Yesumi au mopabukei ope-ope dandiNa Pue Ala irikita. Meangka hangko indo mohowarangkai “Amin” i Pue Ala, i lalu pohintuwuta hai Yesu Kerisitu bona Pue Ala rapomahile.

Yohane 9:29

Kiisa Pue Ala mopahawemi lolitaNa i Musa hangkoia. Agaiana tauna iti, bara kiisa ba hangko iumbaNa mai.”

Yohane 18:37

Nauli mbuli Pilatu, “Ane nodo, tou mpuu pae datuKo?” Nauli Yesu, “Nodo au nuuli Iko ide datuNa. Ido hai rapoanakaNa i dunia ide bona mopahaweNa apa au tou. Tauna au naunde moula apa au tou, mampehadingihe lolitaNgku.”