Yohane 1:14 - Sura Malelaha

¹⁴ Ngkora iti mewali manusia, hai maida i olonta i dunia ide. Hai ikami, kiitami kamahilena kuasaNa. KuasaNa iti Nalambi hangko i UmaNa, lawi iami AnaNa HaduduaNa. LolitaNa tou mpuu, hai tongawa ope-ope kabulaNa laluNa irikita.

Yohane 1:14 Referans Kwoze

1 Yohane 4:9

Hai idemi rarana Pue Ala mopatongawa ahiNa irikita: AnaNa au haduduaNa Natudu mai i dunia bona molambike katuwo hangko Iria.

1 Timotiu 3:16

Maroa ntepuu paturo au tapeulai anti pengkorunta i Pue Ala. Hangkoia paturo iti bara raisa tauna, agaiana ide-ide natudungiamoke Pue Ala. Lawi idemi au tapoinalai kana i Yesu Kerisitu: Iami au mewali manusia, au napakanoto Inao Malelaha, hai au raita malaeka. BambariNa rapahawe i tauna au bara manihe moisa Pue Ala, hai Ia rapoinalai tauna i humalele dunia, hai naore Pue Ala lao i suruga i lalu peawaNa.

Yohane 1:1

Nguru-nguruna, hangko damani dunia rapopewali, arami Ngkora. Ngkora iti, aminami hihimbela hai Pue Ala, hai Ngkora iti iami Pue Ala haduduaNa.

Galatia 4:4

Agaiana i tempo au Napakanotomi Pue Ala, Ia motudumi AnaNa mai i dunia, au napoanaka hadua anantowawine, hai Ia tuwo nodo to Yahudi au mengkoru i Aturana Musa.

Ibarani 1:3

Hangko Iria tongawa peawana tuwona Pue Ala. Hangko i Yesu moitake poantina hai kuasana Pue Ala. Ia au mokadipura hinangkana au ara hai lolitaNa au makuasa. Ia au mohuhu wataNa rapapate bona mobahoi manusia hangko i dosanda. Hai roo indo, mengkaoremi lao i suruga mohuda ntanda i koanana Pue Ala i lalu poparentaNa.

Yohane 6:51

Ikomi paande au mendaulu mai hangko i suruga, paande au mepatuwo! Tauna au moande paande ide molambihe katuwo au bara mokahopoa. Paande au mepatuwo ide, lempona wataNgku au Kukira bona manusia molambi katuwo.”

Kolose 1:19

Ope-ope ide mampololita kana i Kerisitu, lawi Pue Ala mopakanoto bona ope-ope au ara Iria ara wori i AnaNa.

1 Korintu 15:47

Adama au kaisa hangko i dunia hai rateru hangko i awu tampo, agaiana Adama au kadua hangko i suruga, iami Kerisitu.

Roma 8:3

Barake peisa tekabaha hangko i kuasa dosa lawi bara tabuku moula aturana Musa anti kamaledenta. Agaiana apa au bara peisa tababehi i atura agama anti kamaledenta, Napopewalimi Pue Ala, i potuduNami mai AnaNa i dunia mewali manusia. WataNa AnaNa Napahimbela hai wata manusia au madosa. Hai AnaNa iti mokira wataNa rapapate mohuru dosa manusia. Mewali, hangko i kapateNa, Pue Ala monangi kuasa dosa au ara i manusia.

1 Yohane 4:14

Ikami au mewali suroNa, moitamongkai Anana Pue Ala, hai kisabikimi kaIana mpuu au natudu Pue Ala Umanta mewali Datu Topehorema i ope-ope tauna i dunia.

Kolose 2:9

lawi i Kerisitu au mewalimi manusia tahumba ope-ope kuasana hai poantina Pue Ala au bara ara kamakurana.

2 Yohane 1:7

I humalele dunia ara bosa topeakalangi au moanti paturo au mepakanawo. Ihira iti tauna au barahe mampoinalai katouna Yesu Datu Topehompo au maimi mewali manusia. Tauna au nodo, topodongkohe hai mampoiwalihe Kerisitu.

Pampetudungia 21:3

Hai kuhadi hambua wotu hangko i kadera kadatuana Pue Ala i suruga au mowotu masisimbuku, nauli, “Ide-ide paidaana Pue Ala ara hihimbela hai manusia. Pue Ala ina maida hihimbela hai ihira, hai ihira mewali taunaNa. Ia haduduaNa ina mamporangaihe hai mewali Ampunda.

Ibarani 5:5

Nodo wori Kerisitu, bara mengkaiwongko, hai bara moangka wataNa haduduaNa mewali Tadulako Mpenomba Mahile agaiana Pue Ala haduduaNa au moangka, Nauliangaa: “Oiomi AnaNgku, Alo ide KupoanamoKo.”

Ibarani 10:5

Ido hai pane i kahawena Kerisitu i dunia ide, Ia mouliangaa Pue Ala node: “Bara Nuperapi popenomba, hai bara Nuunde popenomba au rahuwe ba binata au rasambale bona mohuru dosa tauna, agaiana wataNgkumi au Nupasilolonga bona mewali popenomba Irio au Nupokatana.

Yohane 11:40

Nauli Yesu i Marta, “Bara pae Kuuliangaamoko inona, ane nupoinalaiNa, ina nuita mpuu kamahilena kuasana Pue Ala?”

Yohane 3:16

Anti kamahilena ahina Pue Ala i ope-ope tauna i dunia, ido hai Nakirami AnaNa au HaduduaNa bona hema pea au mepoinalai Iria, bara rahuku, agaiana molambi katuwo maroa au bara mokahopoa.

Yohane 2:11

Yesu mobabehi tanda kuasa au nguru-nguruna iti i boea Kana i tampo Galilea. Hai tanda kuasa iti, Ia mopatongawa peawaNa. Roo indo, rapoinalaimi topeguruNa.

Yohane 14:6

Nauli Yesu, “Ikomi rara, Ikomi au mopahawe paturo au tou, hai Ikomi au moweikau katuwo au bara mokahopoa. Bara ara hadua au peisa hawe i UmaNgku, ane bara mepoinalai Iriko.

Ibarani 1:5

I malaeka, Pue Ala bara hambela mopahawe lolita ide: “Oiomi AnaNgku, Alo ide KupoanamoKo.” Hai Pue Ala bara wori mololita i hadua malaeka node: “Iko ina NapoumaNa, hai Ia ina Kupoana.”

Yohane 14:9

Nauli Yesu, “Bara maniNa pae nuisa, Pilipu? Mahaemoke hihimbela! Hema au moitaNa, moita wori UmaNgku. Mewali, moapari hai nuperapi bona Kutudungiakau UmaNgku?

Lukasi 9:32

I tempo iti, letahe Peturu hai rangana. Pearonda, moitamohe Yesu, meawa mpuu wataNa, hai rodua tauna arahe i holaNa.

Yohane 17:22

Kuweimohe peawa au NuweiNa bona mewalihe hampepekiri, nodo Ikita hampepekiriKe.

Yohane 3:18

Tauna au mepoinalai i Anana Pue Ala, barahe ina rahuku. Agaiana tauna au bara mepoinalai, manotomi kanahukunda Pue Ala, lawi barahe mepoinalai i Anana Pue Ala au Haduduana.

Lukasi 2:11

Kaindi ide i boeana Datu Daudi, rapoanakami hadua Datu au moanti katuwo maroa irikamu, iami Kerisitu, Amputa.

Ibarani 2:11

Yesu, au mopamalelaha tauna, hai tauna au Napamalelahami, hadua pea Umanda. Ido hai Yesu bara maea mouli kaNapohalalunda.

2 Korintu 12:9

Agaiana Nahanaina: “Bara Kuingihi, agaiana ina Kutulungiko hangko i kabulana laluNgku, iti handami. Lawi hangko i kamaledemu, kuasaNgku ina Kupatongawa i lalu katuwomu.” Ido hai matanana mampomahile kamaledengku, lawi i tempoku malede, Kerisitu mopakaroho watangku hai kuasaNa.

Matiu 1:16

Yako mopaara Yusupu tobalilona Maria. Maria itimi au mampoanaka Yesu au rahanga Kerisitu.

Kolose 2:3

Lawi Kerisitumi au mopakanoto lalunta bona moisake ope-ope tunggaiana Pue Ala irikita.

Epesu 3:8

Hangko i ope-ope tauna au mepoinalai i Pue Yesu, ikomi au tepaiwoi tuwongku. Nauri nodo, anti kabulana laluna Pue Ala, Napileimona bona mobambarina Ngkora Marasa i tauna au barahe to Yahudi kana i kamahilena pewati au bara tehoka au tahumba hangko i Kerisitu.

Roma 9:5

Ihira iamohe pemuleanda toiorunda au napileimohe Pue Ala hangkoia. Hai Kerisitu au rapoanaka nodo manusia mesupa wori hangko i pemuleanda. KuasaNa melumbu hangko i hinangkana; Iami Pue Ala au hintoto tatoia hawe i hae-haena. Amin!

Lukasi 2:7

Moanami hadua tobalilo, anana au nguru-nguruna. Anana iti nalempingi hai nadampa i lalu dula dimba, lawi inditi barapi ara sou au peisa rapaidai.

Yohane 8:32

hai ane topeulaNgku mpuumokau, ina niisa mpuu paturo au tou, alana tekabahakau hangko i karapohawimi.”

Yohane 17:24

Uma, peundeaKu bona ihira au NuweimoNa ina maida hihimbela hai Iko i paidaaNgku bona moitahe peawaNgku. PeawaNgku iti NuweimoNa, lawi NupokakaiaNa hangko damani dunia ide rapopewali.

Yohane 18:37

Nauli mbuli Pilatu, “Ane nodo, tou mpuu pae datuKo?” Nauli Yesu, “Nodo au nuuli Iko ide datuNa. Ido hai rapoanakaNa i dunia ide bona mopahaweNa apa au tou. Tauna au naunde moula apa au tou, mampehadingihe lolitaNgku.”

Pampetudungia 19:13

HampiNa raememi i wahe. HangaNa iami: “Ngkorana Pue Ala.”