Yakobu 5:20 - Sura Malelaha

²⁰ nikatuinao lolita ide: hema au moanti hadua tauna au madosa menoso hangko i babehiana au masala, ia mohorema rangana iti hangko i kapate, hai dosana rangana au ngkaia iti, teampungi. Hangko iriko YAKOBU

Yakobu 5:20 Referans Kwoze

1 Peturu 4:8

Au melumbu hangko i hinangkana, iami pombepokaahimi hadua hai hadua. Hangangaa mombepokaahikau hangko i lalumi mpuu, lawi ane nibabehi nodo, ina nibuku wori moampungi salanda rangami.

1 Timotiu 4:16

Poantimu hangangaa nukampai, hai paturomu hangangaa manoto. Nupobago liliu ope-ope iti bona molambiko katehorema, hihimbela hai tauna au mampehadingi paturomu.

Roma 11:14

Hangko i pobagongku ide, kuharunga kaina aranda hangka to Yahudingku moita tauna au barahe to Yahudi mepoinalai i Pue Yesu duuna mahina lalunda hai mampeinao worihe mepoinalai Iria bona tehoremahe hangko i dosanda.

Yakobu 5:19

Halalu-halalu! Ane ara i olomi hadua au morara ntani hangko i paturo au tou, hai ara wori hadua au monini mesule i Pue,

Yakobu 1:15

Ane mampeulaike peundeana lalunta, batena mobabehike dake. Hai ane iti au tababehi liliu, kahopoana ina naantike i kapate.

1 Korintu 9:22

Ane arana hihimbela hai tauna au bara mani maroho pepoinalainda, kubabehi mpuu nodo ihira bona kutulungihe meula i Kerisitu. Mewali, i ope-ope tauna au kupombelambia, kuhaoki rara bona mewalina nodo ihira bona ane peisa, arahe au kuanti mepoinalai i Kerisitu.

Yohane 5:24

Tou mpuu lolitaNgku ide: hema-hema au mampehadingi lolitaNgku hai mepoinalai i Pue Ala au motuduNa, molambihe katuwo maroa au bara mokahopoa. Barahe ina rahuku anti dosanda. Tekabahamohe hangko i kapate, hai molambihe katuwo.

Pilemo 1:19

hai au teuki ide, iko haduduangku au mouki: iko Paulu ina mobaiari ope-ope indana. (Barako paraluu kupopaingaa kaikona au mopahaweako Ngkora Marasa. Mewali, anti kamolambimu katuwo maroa, moinda woriko iriko.)

Pampetudungia 20:6

Morasihe hai malelahahe tauna au rapatuwo hule i pearonda tomate au nguru-nguruna. Bara mpuuhe ina rahuku i lalu naraka. Pehuku i lalu naraka iami au rahanga kapate karombelana. Tauna au rapatuwo hule i pearonda tomate au nguru-nguruna ina mewalihe tadulako mpenomba i Pue Ala hai i Kerisitu. Ina moparentahe hihimbela hai Kerisitu i lalu hasabu parena.

1 Korintu 1:21

Lawi hangko i kapande manusia, barake peisa moisa Pue Ala. Anti kamapandena Pue Ala, Nabotusimi bona hema pea au mepoinalai i Ngkora Marasa au kipahawe, tauna iti ina Nahoremahe hangko i dosanda. Agaiana ane kipahawe Ngkora Marasa, tauna au bara mepoinalai manguli, “Iti lolita tontuli.”

Yakobu 1:21

Ido hai hangangaa nikabaha ope-ope babehia au kedai hai babehia au kadake au rapobiasa tauna i dunia ide. Hangangaa modoko maroakau Ngkora au nahawuka Pue Ala i lalumi, lawi Ngkora iti au makuasa mohoremakau hangko i huku dosami.

Yakobu 5:15

Ane pekakae iti tou-tou mpuu hangko i pepoinalai, tomahai iti batena maoha. Hakina ina napakaoha Pue Ala, hai dosana teampungi worimi.