Yakobu 4:11 - Sura Malelaha

¹¹ Halalu, ineekau mombepakadake. Ane ara hadua tauna au mopakadake rangana ba mopakisala halaluna, lempona mopakadake hai mopakisala wori Aturana Pue Ala. Tauna au mopakadake halaluna, bara moula Aturana Pue. Anti babehiana au sala iti, ia peisa rapandiri nodo hadua topobotusi au mosalai Aturana Pue Ala.

Yakobu 4:11 Referans Kwoze

1 Peturu 2:1

Mewali, halalu, anti kamolambimimi katuwo au wou, hangangaa nikabaha hinangkana babehiami au kadake hai ope-ope lolita au mepakanawo. Ineekau mengka-mengka, ineekau mahina, ineekau mepakadake.

Roma 2:1

Ido hai halalu, hema-hema pea bara ara rarana mosalai rangana. Hema au mosalai rangana himbela pea mosalai watana haduduana, lawi apa au nasalaiaa rangana nababehito wori.

Yakobu 5:9

Halalu, ineekau mohume-hume hai mombesasalai datikau narumpa pehuku. Lawi ara hadua topebotusi au hungkumi, hai barapi mahae ina hawemi!

Lukasi 6:37

“Ineekau mosalai hangka rangami dati worikau nasalai Pue Ala. Inee niuli tauna ntanina au masala hangangaa rahuku, hai ikamu bara worikau ina nahuku Pue Ala. Niampungi kamasalana rangami, bona naampungi worikau Pue Ala.

1 Korintu 4:5

Ido hai kuuli, ineekau mosalai pobagonda hangka rangami. Nipegiami kahawena hule Pue. Iami au ina mobungkahi ope-ope au tewuniangi mani i lalu kamakaindi. Ia au ina mopatongawa ope-ope tunggaianda tauna au tewuniangi mani. I tempo itimi, hadua-hadua tauna ina molambi petoia hangko i Pue Ala moula kahintotoana.

Epesu 4:31

Mewali, nikabahami ope-ope babehia au node: hai lalu, karumpu, pepailalu, pobungka, pepakadake, hai pekakabosai. Nikabahami babehia iti hai hinangka babehia au kadake.

2 Korintu 12:20

Au kupokalanga ane laokau kusondaki kulambikau bara nodo au kupeinao hai hawena irikamu bara nodo au niharunga. Langana ane arakau au mohiho hai mombekahinai, mombekarumpui hadua hai hadua, mengkaiwongko, mombekakabosai, mombepodongkoa, mampemahile, hai au mehawu-hawu

2 Timotiu 3:3

Barahe maahi, hai bara raisa mohintuwu. Ina mokakabosai liliuhe ranganda, barahe morempeki peundeana watanda, masekehe, hai mokahihihe apa pea au maroa.

1 Timotiu 3:11

Nodo wori towawinenda, hangangaa manoto babehianda hai au hintotohe rabila. Barahe topoanti-anti lolita. Hangangaa raisa morempeki peundeana lalunda au kadake, hai hangangaa rapoinalaihe i paka-pakana.

Roma 7:7

Tauli inona, Kerisitu mokabahake hangko i Aturana Pue Ala au napahawe Musa. Agaiana inee tauli kadake Atura iti. Bara tou lolita iti! Aturana Musa maroa, lawi hangko i atura iti, taisa apa au rauli dosa. Ane rapana bara ara parenta au manguli, “Inee nupokaelu anu-anuna rangamu,” kebara kuisa kakadakena babehia iti.

Roma 2:13

anti poliunginda Aturana Musa. Lawi bara tauna au mohadi Aturana Musa, au manoto i peitana Pue Ala, agaiana batenda pea tauna au mampeulai Aturana Musa au Naimba manoto i peitaNa.

Yakobu 1:25

Ido hai hangangaa nipailalu maroa Ngkorana Pue Ala hai nipeulai liliu. Lawi Ngkorana Pue bara ara kamakurana, hai ara kuasana mokabahake hangko i dosa. Mewali, inee nipehadingi pea Ngkora iti hai naliu inaomi. Hangangaa nipeulai Ngkora iti, lawi ope-ope tauna au mobabehi nodo, batena nawatihe Pue Ala i apa pea au rapobago.

Titu 2:3

Nodo wori towawine au saemohe, nupaturohe bona babehianda hintoto hai tauna au mengkoru i Pue Ala; ineehe manguli au bara tou kana i ranganda, hai ineehe paka maenu-enu. Hangangaa mopaguru liliuhe ranganda bona maroa babehianda.

Yakobu 1:16

Halalungku au kupokaahi! Ineekau rapakanawo!

Yakobu 1:19

Halalungku au kupokaahi! Nipailalu maroa lolita ide: ikita ope-ope hangangaa manaki talinganta mampehadingi lolitana tauna, hai ineeke sosa mololita hai ineeke hoholiga rumpu.

Yakobu 2:8

Maroa babehiami ane mampeulaikau hawana Datunta au i lalu Sura Malelaha au manguli, “Nipokaahi hangka rangami nodo pampokaahimi watami haduduami.”

Yakobu 5:7

Halalu-halalu! Hangangaa sabarakau mampegia kahaweNa hule Pue. Nipeita noumba kasabaranda topobonde mampegia powuana tuda-tudanda. Sabarahe mampegia uda i temponda mantuda hawe i powuana.

Yakobu 5:10

Halalungku ope-ope! Nikatuinaohe nabi hangkoia au mobambari Ngkorana Pue. Sabarahe hai mantahahe mantodiha kapari. Maroa ane tapeulai kasabaranda.