Yakobu 3:15 - Sura Malelaha

¹⁵ Kanoto lalu au nodo, bara hangko i Pue Ala, agaiana hangko i dunia, hangko i peundeana lalunta hai hangko i seta!

Yakobu 3:15 Referans Kwoze

Yakobu 3:17

Agaiana tauna au molambihe kanoto lalu hangko i Pue Ala, node babehianda: malelaha lalunda, raunde mohintuwu hai ranganda, maalusu poantinda, matunduhe hai motulungi peamohe tauna. Maroa babehianda, barahe mampopontani tauna hai poantinda moula kabulana lalunda.

Yakobu 1:17

Ope-ope au maroa hai au bara ara kamakurana tahumba hangko i Pue Ala. Iami au mampopewali ope-ope au mewangka i langi. Ope-ope au mewangka iti, ara katebaliana. Agaiana Pue Ala, bara ara katebaliaNa, hai Iria bara wori ara kamakaindi.

1 Korintu 3:19

Lawi apa au rauli kapande manusia, nodo pekiri tontuli i peitana Pue Ala. Ara au teuki i lalu Sura Malelaha node: “Pue Ala mopakala tauna au mapande i lalu kamapandenda haduduanda.”

Pilipi 3:19

Tauna au nodo batenda molambi pehuku i lalu naraka. Mampenombaihe peundeana watanda haduduanda. Mampomahilehe babehianda au mepakaea. Mopaioruhe katuwonda i dunia ide.

1 Korintu 2:14

Tauna au bara moisa Pue Ala, barahe mampoinalai paturo au hangko i Inaona Pue Ala, lawi rauli, “Paturo iti, lolita tontuli.” Bara rabuku tauna iti modoko paturo au hangko i Inaona Pue Ala, lawi paturo iti hangangaa napakanoto Inao Malelaha i lalunta.

2 Korintu 1:12

Matana lalungki halalu, lawi kiisa, katuwongki i dunia ide pelumbunami i lalu pohintuwuki hai ikamu, hangko i kabulana mpuu lalungki kipopolumao. Hai apa au kibabehi iti bara hangko i kapande manusia agaiana hangko i kapande au Nakiraiangkai Pue Ala.

Yakobu 1:5

Ane arakau au bara moisa rara mokadipura tuwomi, agina niperapi kanoto lalu hangko i Pue Ala, hai batena Naweikau. Lawi apa au Nakira, Nakiraiahe ope-ope tauna hangko i kabulana laluNa, barahe Nawei ngkahunda-hunda.

1 Timotiu 4:1

Inao Malelaha manguli i kanoto-notoana: i alo au ina mai, arahe tauna au ina mousuli hangko i pepoinalainda i paturo au tou. Ina mengkoruhe i kuasa au menawo-nawo hai mampeulaihe paturo au hangko i seta,

Yudasi 1:19

Tauna au nodo mopaara peahe posisisala i ranganda. Barahe nakuasai Inao Malelaha, nakuasai pearihe peundeana lalunda.

1 Korintu 3:3

lawi moula manikau peundeana lalumi au kadake. Mahinakau hai mobungka-bungka manikau, itimi au mopakanoto poulami mani peundeana lalumi au kadake, nodo tauna au bara manihe moisa Pue.

Yohane 3:17

Pue Ala motudu AnaNa mai i dunia bara mai mohuku manusia. Agaiana bona mai mohorema manusia hangko i huku dosanda.

Pampetudungia 12:9

Mewali, naga au mahile iti, ratende hangko i suruga hawe i dunia hihimbela hai malaekana. Iami ile au arami hangkongkoia, au rahanga Datu Tokadake ba Tadulako Seta. Ia au mopakanawo tauna au maida i humalele dunia.

Pampetudungia 9:11

Ara datunda au moparentaihe. Datunda iti, iami malaeka au mokampai kabe ngkapate. Hangana i lalu basa Ibarani, iami Abadon. I lalu basa Yunani, Apolion. Lempona, Topegero-gero.

Pampetudungia 2:24

Agaiana arakau hanggaa i Tiatira au bara mampeulai paturo au kadake iti, hai bara niunde mampegurui au rauli, ‘Kapangisana Datu Tokadake au tewuniangi’. Mewali Kuuliangaakau, barapi ina Kutambai haleami hai parenta ntanina.

2 Tesalonika 2:9

Manusia Kadake iti ina hawe hai kuasana Datu Tokadake, hai kuasa iti ina napake mobabehi ngkaia pakana tanda kuasa au mepakanawo.

2 Korintu 11:3

Agaiana kuperapi ineekau hawe rapakanawo alana barapokau mepoinalai i Kerisitu hangko i lalumi. Nodo ile mokelo Hewa hai lolitana au momi, ara worihe tauna au mampeinao bona moulakau paturonda au mosisala hai pepoinalaimi i Kerisitu.

1 Korintu 1:27

lawi Pue Ala mopilei tauna au bara mapande i peitana manusia bona tomapande ina rapakaea. Naoaka mopileihe au malede bona tauna au maroho ina rapakaea.

Roma 1:22

Rapehangu mapandemohe, mole ntulitorihe!

Suro 13:10

hai nauliangaa, “Ee! Topodongko mpuuko. Oiomi iwalina ope-ope au manoto. Poantimu nodo Datu Tokadake! Moapari hai mobaliki liliuko paturona Pue Ala au manoto?

Yohane 8:44

Umami iami Datu Tokadake! Hai nipeinao moula liliu peundeana umami iti. Hangko i nguru-nguruna ia topepapatemi. Paturona bara tou, lawi bara ara au tou iria. Ane modongko, itimi poantina, lawi ia topodongko mpuu, hai ope-ope tauna au modongko moulahe peundeana.

Lukasi 16:8

Kanahadina topebuku iti apa au nababehi topobagona, natoia lawi nauri motengko babehiana agaiana naisa mampekiri karao bona maroa katuwona. Lawi nauri kadake babehianda, agaiana raisa wori mampekiri karao bona maroa katuwonda i alo au ina mai. Kamapandenda melumbu pane tauna au mengkoru i Pue Ala.