Yakobu 2:15 - Sura Malelaha

¹⁵ Pandirina, ara hadua halalunta au moparaluu pehampi, hai bara wori handa paandena alo-alona,

Yakobu 2:15 Referans Kwoze

Lukasi 3:11

Nahanai Yohane, “Hema au morontau baduna, hantau hangangaa nawei i tauna au bara ara baduna. Nodo wori, hema au ara paandena, hangangaa nakiraia i tauna au marimi.”

Yakobu 2:5

Halalungku au kupokaahi! Nipehadingi maroa: tauna au meahi-ahi tuwonda i dunia ide napileihe Pue Ala bona mewalihe pebuku i pepoinalainda. Ina molambi sosoranda i lalu poparentaNa moula dandina Pue Ala i tauna au maahi Iria.

Ibarani 11:37

Arahe au rawatui duunda mate, arahe au ragaragaji, hai au rapapate hai piho. Arahe au meahi-ahi mpuu katuwonda, mehampi pearai koli dimba hai koli towau. Rapopeahi-ahihe hai rapapahaihe.

Markus 14:7

Lawi tauna au meahi-ahi, ara mpaliliuhe irikamu. Ane niunde motulungihe, arato katepakami. Agaiana Iko, baraNa ara liliu irikamu.

Suro 9:29

Ia mololita hai mampombehehea to Yahudi au mobasa Yunanihe. Ido hai to Yahudi iti, rapeinao mopapate Saulu.

1 Yohane 3:17

Rapana ara hadua tauna au maroa tuwona, hai moita halaluna au meahi-ahi, agaiana bara mau motulungi halaluna iti, noumba? Ane nodo, ahi au hangko i Pue Ala bara ara i laluna tauna iti.