Yakobu 1:11 - Sura Malelaha

¹¹ Lawi ane nasimbaki alo au makere, liliu malau, alana maoru bungana hai matantami peraena. Nodo wori tauna au pebuku: ina matehe tanganda mourusi peawanda.

Yakobu 1:11 Referans Kwoze

Markus 4:6

Agaiana ane kealo, malaumi duuna bangi, lawi bara kaladu uakana.

Matiu 13:6

Ane kealo, malau duuna bangi, lawi bara kaladu uakana.

1 Peturu 5:4

bona ane hawe Toporewunta au meawa tuwoNa, ina Naweikau hambua songko datu au mengkila-ngkila liliu hawe i hae-haena.

1 Peturu 1:4

Taharunga kaina molambita pewati au napasilolongaamoke Pue Ala i suruga. Pewati iti bara ina marugi ba kadake ba tebali.

1 Korintu 7:31

Ikamu au mowulai anu-anu dunia, inee peakau mampekiri katuwomi i dunia ide. Lawi dunia au tapaidai ide ina tuna.

Matiu 6:30

Mewali, ane Pue Ala mampoperae hehi i pada au tuwo alo ide, hai rahuwe kahalo, apa mani ikamu? Meliu pekadipurana Pue Ala irikamu. Moapari hai bara niharunga pekadipuraNa?

Matiu 20:12

‘Au hawe mobago i boko, mobagohe hajaa pea. Agaiana ikami, mobagongkai hangaloa, nasimbakingkai alo au makere. Moapari hai nubaiarihe himbela hai ikami?’