Suro 9:40 - Sura Malelaha

⁴⁰ Agaiana ope-ope tauna au ara i lincu iti napopelohohe Peturu, hai molingkudumi mekakae. Roo mekakae, melindomi i tomate iti, hai nauli, “Tabita, mearomoko!” Unga pea tebungkahi matana. Kamoitana Peturu, liliu mohuda.

Suro 9:40 Referans Kwoze

Matiu 9:25

Padumohe ope-ope, mesuami Yesu i paturuana anangkoi iti, hai Nakingki taiena. Liliu anangkoi iti mearo.

Suro 7:60

Roo indo, molingkudumi, hai mololita masisimbuku, nauli, “Pue, ineehe Nuhuku anti dosanda ide.” Karoona mololita nodo, matemi.

Lukasi 8:54

Roo indo, Nakingkimi Yesu taiena anangkoi iti hai Nauliangaa, “AnaNgku, pearomide!”

Suro 20:36

Karoona Paulu mololita, molingkudumi hai rangana hai ope-ope tauna au hangko i Epesu, hai mekakaemohe.

Lukasi 22:41

Roo indo, laomi karao haodi hangko irihira, hai molingkudu mekakae,

Markus 9:25

Kanaitana Yesu bosa tauna melangka mai moteruhu, Ia mokambaroa tokadake iti, Nauli, “Ee tokadake au mepabongo hai mepantuli! Peloho hangko i anangkoi iti, hai ineemoko mesua hule.”

Suro 21:5

Agaiana i temponami kapala tahi iti meangka, kiulimi batengki pea liliu lao i Yerusale. Mewali, ope-ope rangangki hai towawinenda hai ananda raporangaingkai lao i raoa wanua. I wiwi ntahi, molingkudu sambelamongkai hai mekakae.

Matiu 6:6

Agaiana ikamu, ane mekakaekau, hangangaa mesuakau i lalu lincumi hadua-hadua, nituko babami, hangko mekakaerikau i Umami au bara niita. Lawi Ia moita mpuu babehiami au bara raisa rangami, hai Ia ina mohurungiakau.

Suro 28:8

I tempo iti, umana Publius napawembe hai mahai taina. Ido hai laomi Paulu i paturuana umana Publius, napaga, hai napekakaea. Unga pea maoha.