Suro 9:32 - Sura Malelaha

³² I tempo au himbela, lumaomi Peturu iumba-umba pea mosondaki topepoinalai i Pue Yesu. I polumaona iti, ia mehupe i wanua Lida.

Suro 9:32 Referans Kwoze

Suro 9:13

Nahanai Ananias, “Io, Pue. Agaiana, bosa tauna mololita kana i babehiana Saulu iti. Ia rumihi pampopeahi-ahina tauna au mepoinalai Irio i wanua Yerusale.

Suro 8:25

Karoonda Peturu hai Yohane mepaturo hai mopahawe Ngkorana Pue, mesulemohe lao i Yerusale. I polumaonda, rabambari wori Ngkorana Pue i boea-boea ntanina i tampo Samaria.

Pilipi 1:1

Sura ide hangko irikami Paulu hai Timotiu, hawina Kerisitu Yesu, kipakatuakau halalungki hampepepoinalai i lalu Kerisitu Yesu i wanua Pilipi, hai tauna au mampopolumao bagona Pue i olomi, maroa penatua, maroa diaken.

Epesu 1:1

Sura ide hangko iriko, Paulu, au mewali surona Kerisitu Yesu moula peundeana Pue Ala. Sura ide kupakatu irikamu taunana Pue Ala i Epesu au tetida pepoinalaimi i Kerisitu Yesu.

Roma 1:7

Ido hai kupakatu sura ide irikamu, to Sarani i Roma, lawi Pue Ala mampokaahikau hai mokakiokau mewali taunaNa au malelaha. Kuharunga Pue Ala Umanta hai Pue Yesu Kerisitu mowatikau hai moweikau roa ngkatuwo.

Suro 26:10

Hai iti kubabehi wori i Yerusale. I tempo iti, molambimona sura kuasa hangko i kapala-kapala tadulako mpenomba, hai bosa worihe to Sarani kutarunggu. Kupokana wori ane rahuku matehe.

Suro 9:41

Nakingkimi Peturu taiena hai napopeangka. Roo indo, nakakio hulemohe ope-ope tauna au mepoinalai i Yesu hai tobemba iti, nauliangaahe, “Idemi halalumi, ia tuwo hulemi.”

Suro 8:14

Roo indo, surona Pue Yesu au ara i Yerusale mohadimohe bambari kana i to Samaria au modokomohe Ngkorana Pue Ala. Ido hai mampohawaamohe Peturu hai Yohane lao i Samaria.

Suro 1:8

Agaiana ina nilambi kuasa ane mendaulu mai Inao Malelaha irikamu. Hai ikamu, ina mewalikau sabiNgku i Yerusale, i humalele tampo Yudea hai Samaria, hawe-hawe i humalele dunia.”

Matiu 27:52

Tempo iti, ngkaia talumba au tebungkahi hai bosa tauna au mengkoru i Pue rapatuwo hule. I karapatuwona hule Yesu, mesuahe i wanua Yerusale au rauli wanua au malelaha. Bosa tauna au moitahe.

Suro 9:33

Inditi ia molambi hadua tobalilo, hangana Eneas. Eneas iti, ualumi parena palu, barapi mearo-aro hangko i paturuana.