Suro 8:17 - Sura Malelaha

¹⁷ Mewali Peturu hai Yohane mampekakaengaahe hai moangka taienda i wongko waanda to Samaria iti. Hai modokomohe Inao Malelaha.

Suro 8:17 Referans Kwoze

Suro 19:6

Hai i tempona Paulu moona taiena i tanoananda, mendaulu mpuumi Inao Malelaha mokuasaihe. Unga peahe mololita hai basanda tauna ntanina, hai mohowarahe lolita au hangko i Pue Ala.

Suro 6:6

Raantimohe tauna au pitu iti lao i surona Pue Yesu, hai suro iti moona taienda i waanda tauna au pitu iti hai mekakaehe bona Pue Ala mowatihe.

2 Timotiu 1:6

Mewali Timotiu, Kupopaingaako kana i bago au naweiko Pue Ala hangkoia, i tempoku moona taiengku i tanoanamu motawiko. Ido hai kuperapi bona nupakaroho mpuu lalumu mampopolumao liliu bago iti.

Suro 8:18

Simo topobalimata moita hema pea au ratobo Peturu hai Yohane molambihe Inao Malelaha. Ido hai laomi moanti doi i Peturu hai Yohane,

Suro 2:4

Roo indo, ope-ope tauna iti nakuasaimohe Inao Malelaha, hai mepongkamohe mololita i lalu ngkaia pakana basa au bara mani raisa, moula apa au napakanotoahe Inao Malelaha.

Ibarani 6:2

Hangangaa rapaturoahe kana i periu, noumba tadulako agama moona taienda i tanoananda tauna au rawati, karapatuwo hulenda tomate, hai pehukuna Pue Ala au bara mokahopoa. Paturo iti tou, agaiana ineemi rahuhuleki.

Roma 1:11

Lawi kupeinao mpuu hidupa hai ikamu bona kukira-kiraakau pewati hangko i Inao Malelaha au ina mopakaroho pepoinalaimi.

Suro 9:17

Mewali, lao mpuumi Ananias i sou au natunggai Pue Yesu inona, hai moonami taiena i Saulu, nauli, “Saulu, halalungku! Pue Yesu au nuita i rara i tempomu mai inde, Iami au motuduna mai mosondakiko bona meita huleko hai bona nakuasaiko Inao Malelaha.”

1 Timotiu 5:22

Ineeko hoholiga moangka tauna mewali penatua, nuparesa hampai babehianda bona dati oio au mohuru ane mobabehihe dosa. Maroa-roako bona manoto liliu babehiamu.

1 Timotiu 4:14

Ineeko mokabaha bagomu au hangangaa nupopolumao moula kapande au naweiko Inao Malelaha. Kapande iti raweiko i temponda penatua moona taienda hangkoia i tanoanamu mopahawe lolita hangko i Pue Ala kana irio.

Suro 13:3

Mewali, karoonda mopuasa hai mekakae, raonami taienda i Baranaba hai Saulu. Roo indo, rapopelingkamohe lao mobambari Ngkora Marasa.

Markus 5:23

merapi tulungi, nauli, “Anangku towawine ina matemi. Laoke i soungku, Nupetobo bona maoha hai batena pea woia tuwo.”