Suro 28:9 - Sura Malelaha

⁹ Roo indo, ope-ope tauna au mahai i lewuto iti maihe merapi tulungi i Paulu, hai napakaoha hahahe hangko i hakinda.

Suro 28:9 Referans Kwoze

Suro 5:15

Ngkaia tanda kuasa au rababehi suro iti, ido hai bosa tomahai raanti hai rapopaturuhe i ale i wiwi rara. Rababehi nodo lawi raharunga ane Peturu moliu inditi, nau bao-baona pea kana watanda tomahai iti, batenda maoha.

Suro 5:12

Surona Pue Yesu mobabehihe ngkaia tanda au metingkarai i olonda tauna bosa. Ope-ope tauna au mepoinalai i Yesu, hampepekirihe hai paka teruhuhe i Tambale Salomo i Souna Pue Ala.

Matiu 4:24

Pobagona Yesu tebambari i ope-ope boea i tampo Siria, alana bosa tauna au mai mampeinaohe mohidupa hai Ia. Tauna iti moantihe ranganda ba halalunda au mantodiha ngkaia pakana hakinda hai kaparinda, au napesuangi seta, au mohaki dungka, hai au palu. Yesu mopakaohahe ope-ope.

Suro 13:6

Suro iti molumaohihe ope-ope boea i humalele lewuto iti duunda hawe i boea Pafos. Inditi mampohidupaahe hadua to Yahudi, hangana Baryesus. I lalu basa Yunani hangana Elimas. Elimas iti, hadua topobalimata au mouli kaiana nabina Pue Ala. Ia rangana Sergius Paulu, gubernur i lewuto iti. Gubernur iti hadua tauna au mapande ntepuu. Mewali, kahawenda Baranaba hai Saulu, liliu nakakiohe gubernur iti, lawi napeinao mohadi Ngkorana Pue Ala. Agaiana Elimas moewa Baranaba hai Saulu hai mosapuaka paturonda bona dati iti au napoinalai Gubernur.

Suro 28:8

I tempo iti, umana Publius napawembe hai mahai taina. Ido hai laomi Paulu i paturuana umana Publius, napaga, hai napekakaea. Unga pea maoha.

Suro 28:10

Anti pebilanda tauna iti, raweingkai ngkaia anu-anunda. Hai i peangkaki, rabakuingkai, hai apa pea au kiparaluu raanti rawoli i lalu kapala tahi.