Suro 19:22 - Sura Malelaha

²² Hangko inditi, natudumohe rodua tauna au meula iria moioru lao i Makedonia. Hanganda, Timotiu hai Erastus. Agaiana Paulu ara mani i propinsi Asia.

Suro 19:22 Referans Kwoze

2 Timotiu 4:20

Erastus, ara mani i wanua Korintu. Tropimus, kupalehi tangana mahai i Miletus.

Roma 16:23

Gayu wori mopakatu tabeana. Iko, Paulu, maidana i souna Gayu, hai to Sarani i wanua ide paka moguluhe inde. Erastus, topamboli doi wanua, hai halalunta Kwartus mopakatu worihe tabeanda.

Suro 19:29

Mewali humalele wanua iti magunego. Hai rame-ramehe tauna bosa lao mohaka Gayu hai Aristarkus. Gayu hai Aristarkus iti iami to Makedonia au mamporangai Paulu i polumaona. Rahakamohe tauna rodua iti hai raantihe lao i sou poteruhua mahile i lalu wanua.

Suro 19:10

Idomi bagona i lalu rompare, duuna ope-ope tauna i propinsi Asia mohadihe Ngkorana Pue, maroa to Yahudi maroa au bara to Yahudi.

Suro 18:5

Mewali, kahawenda Silas hai Timotiu hangko i tampo Makedonia, Paulu barapi mobago mobabehi atu bambaru hangko i koli, agaiana ia mopahawe liliumi Ngkora Marasa i to Yahudi, napololitaahe kana i Yesu, Datu Topehompo.

Suro 16:3

Peundeana Paulu bona Timotiu meula iria mobambari Ngkora Marasa. Ido hai Timotiu napopetile moula Aturana Musa. Tunggaiana bona radoko pea to Yahudi, lawi ope-ope to Yahudi i tampo iti moisa katoYunanina umana.

Suro 16:1

Paulu mopaliliu polumaona lao i wanua Derbe hai i wanua Listra. I wanua Listra, ara hadua tobalilo au mepoinalai i Yesu, hangana Timotiu. Inana Timotiu, to Yahudi au mepoinalai wori i Yesu. Umana to Yunani.

Suro 13:5

Kahawenda i boea Salamis, mopahawemohe Ngkorana Pue Ala i sou penombaanda to Yahudi. Yohane au rakakio wori Markus modureihe i lalu bagonda iti.

1 Tesalonika 1:8

Lawi hangko irikamu, Ngkorana Pue tebambari i humalele Makedonia hai Akaya. I raoa hangko indo, pepoinalaimi i Pue Ala rapololita iumba-umba pea. Mewali, ampu boea i ope-ope boea au kikalaongi moisa noumba kanidokongki. Ikami barapongkai paraluu mopahawe ba apa-apa, lawi tauna iti mohadimohe bambari au manguli kanikabahanami menomba i anitu, katebalikina lalumi hai pengkorumi i Pue Ala au manoto hai au tuwo.

2 Korintu 8:1

Kaliliuana halalu, kupeinao kuuliangaakau apa au mewali inde i tampo Makedonia. Mahile ahina Pue i jumaa au ara i Makedonia.

2 Korintu 1:16

Tunggaiaku nguruna kelaokau hampai kusondaki, hangko laorina i Makedonia, hai kemehupe mbulina irikamu i tempoku mai mesule bona peisana nitulungi mopapulo polumongku lao i Yudea.

Suro 20:1

Karoona posisisala i Epesu, Paulu moguluhe tauna au mepoinalai i Yesu hai napakaroho lalunda. Roo indo, mepalakanami hai mopaliliumi polumaona lao i tampo Makedonia.

2 Korintu 11:9

I tempo iti, ara wori kamakurangku, agaiana barana merapi irikamu. Lawi arahe halalunta au hawe hangko i tampo Makedonia moanti doi au mopahandai apa au kuparaluu. Barana merapi apa-apa irikamu bona barakau kupakapari. Hai apa au kubabehi hangkoia, iti au ina kubabehi liliu.

2 Korintu 2:13

Agaiana nauri nodo, bara tinda lalungku, lawi bara manina mampohidupaa Titu au moanti bambari kana irikamu halalu. Ido hai mepalakanamona i halalungku inditi bona maina inde mohaoki Titu i Makedonia.

Suro 19:21

Liumi au mewali iti, Paulu moliwo lao i tampo Makedonia hai Akaya, hai roo indo ina lao wori i wanua Yerusale, nauli, “Roona i Yerusale, hangangaa laona i wanua Roma.”

Suro 20:34

Niisato halalu, mobagona haduduangku bona kubuku meholo hinangkana au kiparaluu.

2 Korintu 8:19

Ia rapilei worimi ope-ope jumaa inde bona mamporangaingkai i polumaongki ane laongkai moanti doi petulungimi i halalunta hampepepoinalai au ara i lalu kamakuranda. Lawi tunggaiana polumaongki ide bona hangana Pue rapomahile, hai bona tongawa kamahilena ahinta i halalunta hampepepoinalai.