Surona Pue Yesu mobabehihe ngkaia tanda au metingkarai i olonda tauna bosa. Ope-ope tauna au mepoinalai i Yesu, hampepekirihe hai paka teruhuhe i Tambale Salomo i Souna Pue Ala.
Hai Pue Ala mopakaroho ntepuu posabinda, lawi Naweihe kuasa mobabehi ngkaia pakana tanda kuasa hai tanda au metingkarai. Hai Nawei worihe kapande au montani-ntani hangko i Inao Malelaha moula peundeaNa.
I lalu bahangkia alona, nodo liliu pea pololitana, alana malutami Paulu mohadi. Hangko indo, membalilimi Paulu, hai mololita i anitu au mebalasua i towawine iti, nauli, “I lalu hangana Yesu Kerisitu, peloho hangko iria!” Meloho mpuumi anitu iti.
Naweimokau Pue Ala Inao Malelaha hai mobabehimi tanda kuasa i olomi. Ba Nababehi nodo anti peulami i Aturana Musa? Bara. Nababehi nodo, lawi mohadimokau Ngkora Marasa hai mampoinalaimokau Pue Yesu.
Mewali ope-ope tauna au teruhu iti mandii-ndii pearaihe mampehadingi lolitanda Baranaba hai Paulu kana i tanda kuasa au rababehi hai kuasana Pue Ala tanganda i boeanda tauna au barahe to Yahudi.
Maidamohe Paulu hai Baranaba bahangkia kamahaena i wanua iti. Barahe langa mopahawe bambari kana i Pue. Pue moweihe kuasa mobabehi tanda au metingkarai bona manoto i ope-ope tauna katouna Ngkora Marasa au raanti. Ngkora Marasa iti mampololita kabulana laluna Pue Ala au mowei katuwo maroa i manusia.
Tou mpuu lolitaNgku ide: tauna au mepoinalai Iriko, peisahe mobabehi nodo au Kubabehi, ba melumburi hangko i apa au Kubabehi, lawi ina laomoNa i UmaNgku.