Suro 13:23 - Sura Malelaha

²³ Hangko i pemuleana Daudi, Pue Ala moangkaake hadua Datu nodo au Nadandi hangkoia. Datu iti iami Yesu, Datu Topehorema.

Suro 13:23 Referans Kwoze

Matiu 1:1

Yesu Kerisitu iami pemuleana Datu Daudi, pemuleana Burahima. Mepongka hangko i Burahima hawe i Daudi, hanganda au mampemuleaka Yesu, idemohe:

Pampetudungia 22:16

Iko, Yesu, motudumoNa malaekaNgku mopahawe paturoNgku ide irikamu ope-ope jumaa. Iko pemuleanana Datu Daudi. Ikomi Betue ntanda i Mata alo au mewangka ntepuu.”

Yudasi 1:25

Pue Ala, au bara ara kasimbelaNa, Ia au mohoremake hangko i huku dosanta anti kanapahurunta Yesu Kerisitu Amputa. Tapomahile hangaNa lawi Ia pea au meawa, au mahile tuwoNa, au makuasa hai au merae, mepongka hangkoia, ide-ide, hai hawe i hae-haena. Amin! Hangko iriko YUDASI

Suro 13:32

Napaliliu Paulu lolitana i to Yahudi i sou penombaa iti, nauliangaahe, “Mewali halalu, ikamimi au mopahaweakau Ngkora Marasa ide. Apa au Nadandi Pue Ala hangkoia i toiorunta, Napopewalimi irikita pemuleanda. Pue Ala mopatuwo hule Yesu hangko i kapate nodo au teuki i lalu Petoia au kadua: ‘Oiomi AnaNgku. Alo ide KupoanamoKo.’

Roma 1:3

Ngkora Marasa iti mampololita kana i Anana Pue Ala, au rapoanaka himbela hai manusia hangko i pemuleana Datu Daudi.

1 Yohane 4:14

Ikami au mewali suroNa, moitamongkai Anana Pue Ala, hai kisabikimi kaIana mpuu au natudu Pue Ala Umanta mewali Datu Topehorema i ope-ope tauna i dunia.

2 Peturu 3:18

Hangko i kabulana laluna Amputa Yesu Kerisitu hai kanoto lalu au Naweikau, hangangaa nipakaroho peulami Iria au mohoremake hangko i huku dosanta. Tatoiami Amputa mepongka ide-ide hawe i hae-haena. Amin. Hangko iriko, PETURU

2 Peturu 3:2

Tunggaiaku bona nikatuinao apa au rapahawemi nabi au malelaha hangkoia, hai bona nikatuinao wori hawana Amputa Pue Yesu au mohoremamoke hangko i huku dosanta. HawaNa iti nihadi hangko irikami suroNa.

2 Peturu 2:20

Meahi-ahi mpuuhe tauna iti. Nguru-nguruna moisamohe Amputa Yesu Kerisitu, ido hai tekabahahe hangko i babehia au kadake i dunia ide, agaiana roo indo mesule hulehe i babehianda au kadake duuna moulahe babehia iti. Kahopoana rumihi mpuu kamaruginda hangko i nguru-nguruna.

2 Peturu 1:11

Mewali i alo au ina mai, ina Nadokokau Pue Ala mesua i lalu kadatuana Amputa Yesu Kerisitu au mohoremake hangko i huku dosanta. Hai PoparentaNa iti bara ara kahopoana.

2 Peturu 1:1

Sura ide hangko iriko, Simo Peturu hawina hai surona Yesu Kerisitu, kupakatuakau halalu au mepoinalai i Yesu Kerisitu. Yesu Kerisitu iami Pue Ala au mohoremake hangko i huku dosanta. Anti kamanotona Pue Ala, Napopewalimokau taunaNa au mepoinalai Iria, himbela hai ikami suroNa.

Titu 1:4

Sura ide kupakatu irio Titu, au kupoanamoko, lawi hampepepoinalaike. Mekakaena i Pue Ala Umanta hai i Kerisitu Yesu Datu Topehoremanta bona Nawatiko, hai Naweiko roa ngkatuwo.

Roma 11:26

Nodomi rarana to Yahudi ina tehoremahe hangko i huku dosanda, bona tepabukei lolitana Pue Ala au teuki i lalu Sura Malelaha: “Hambela tempo, Datu Topehompo ina mesuwu hangko i Bulu Sion, hai mopakarao ope-ope dake hangko i pemuleana Yako bona malelaha tuwonda.

Suro 3:26

Ido hai Pue Ala mopatuwo hule Yesu AnaNa. Nguru-nguruna Yesu Natudu mai irikita to Yahudi bona Nawatike hai Naninike mampenosoi hinangkana babehianta au kadake.”

Suro 2:30

Daudi iti, hadua nabi au moisa ami apa au ina nababehi Pue Ala. Naisa kaarana podandina hai posumpana Pue Ala iria au manguli: hadua hangko i pemuleamu ina Kuangka Kupopohuda mewali datu. Mewali, ido hai Daudi mampopaisa ami katuwona hule Datu Topehompo, nauli: ‘Ia bara rapogiangaa i paidaa tomate, hai wataNa bara rapogiangaa i lalu talumba duuna magoro.’

Yohane 7:42

Bara pae i lalu Sura Malelaha teuki node: Datu Topehompo iami pemuleana Datu Daudi au hangko i boea Beteleme, boea pesupaana Daudi?”

Yohane 4:42

hai mololitahe i towawine iti, “Ide-ide kipoinalai mpuumi, bara pea hangko i lolitamu, agaiana lawi kihadimi lolitaNa, hai kiisa kaIana mpuumi Datu au mohorema manusia hangko i huku dosanda.”

Lukasi 1:69

Naweimoke hadua Datu au makuasa au peisa mohoremake, Iami pemuleana Datu Daudi, hawiNa.

Matiu 22:42

“Noumba pelambiami: hema Datu Topehompo au nadandi Pue Ala hangkoia? Pemuleana hema?” Rahanai, “Pemuleana Datu Daudi.”

Matiu 21:9

Bosa tauna au meula i Yesu, arahe au moioru, ara worihe au i boko. Mogee-gee liliuhe, rauli, “Tetoiami pemuleana Datu Daudi! Rawatimi tauna au mai i lalu hangana Pue! Tetoiami Pue Ala au indora i suruga!”

Matiu 1:21

Maria ina moana hadua tobalilo. Anangkoi iti, hangangaa nuhanga ‘Yesu’, lawi Ia au ina mohorema taunaNa hangko i dosanda.”

Suro 4:12

Hangko inditi, nauli mbulimi Peturu, “Bara ara rara ntani molambi katuwo maroa hangko i Pue Ala, batena pea Yesu. Lawi i humalele dunia ide, bara ara tauna ntanina, batena pea Yesu au natudu mai Pue Ala i manusia, hai Ia pea au Nabuku mohoremake hangko i huku dosanta.”