Suro 1:13 - Sura Malelaha

¹³ Kahawenda i Yerusale, liliuhe lao i sou paidaanda, mengkahehe i lincu au i wongko. Suronahe Pue Yesu iti iami: Peturu, Yohane, Yakobu hai Andaria; Pilipu hai Tomas; Bartolomeus hai Matiu; Yakobu anana Alfeus, Simo to Selot hai Yudasi anana Yakobu.

Suro 1:13 Referans Kwoze

Suro 20:8

I sou poteruhuangki iti, mogulungkai i lincu au i wongko ntepuu, indo Ngkaia hulo rahuwe.

Lukasi 22:12

Ampu sou iti ina motudungiakau hambua hologa mahile au ara i wongko. Hologa iti tepasilolongami, hai handa parewana. Inditimi nipasilolongaake paande Pasa.”

Markus 14:15

Ampu sou iti ina motudungiakau hambua hologa mahile au ara i wongko. Hologa iti tepasilolonga amimi, handami parewana. Inditimi nipasilolongaake paande Pasa.”

Markus 2:14

Tangana Yesu molumao, moitami hadua toperuru asele au mohuda i bambaru pobaiaria asele, hangana Lewi, anana Alfeus. Mololitami Yesu iria, Nauli, “Peulamide Iriko!” Meangkami Lewi, hai liliu meula Iria.

Yakobu 1:1

Tabea hangko iriko, Yakobu, hawinana Pue Ala hai Pue Yesu Kerisitu. Sura ide kupakatuakau to Isaraeli au hampulo hai rontina au mahawukau i humalele dunia.

Suro 12:17

Hangko inditi, Peturu moangka taiena mopakandiihe, hai natuntuamohe noumba kanapopesuwuna Pue hangko i lalu tarunggu. Napahopomi Peturu lolitana hai naperapi, nauli, “Apa au mewali iti, nipahawe wori i Yakobu hai i halalunta hampepepoinalai au ntanina.” Roo indo, meangkami Peturu lao i paidaa ntanina.

Suro 2:38

Nahanai Peturu, “Hangangaa menosokau hadua-hadua hangko i dosami, hai hangangaa rariukau i lalu hangana Yesu Kerisitu. Ane nodo, Pue Ala ina moampungi dosami, hai Naweikau Inao Malelaha.

Yudasi 1:1

Sura ide hangko iriko Yudasi, hawina Yesu Kerisitu hai halaluna Yakobu. Sura ide kupakatu irikamu halalu au nakakiokau Pue Ala Umanta mewali taunaNa. Pue Ala mampokaahikau, hai Yesu Kerisitu ina mokampai liliukau duuna i kahaweNa hule.

Galatia 2:9

Mewali, Yakobu, Peturu hai Yohane iti, au rauli tadulakonda ope-ope to Sarani i Yerusale, mololitahe rauli, “Tou, Paulu nakakio Pue Yesu mewali suroNa.” Mewali iko hai Baranaba radoko maroangkai. Mombetabemongkai mewali tanda kahintuwungki. I tempo iti, himpudumongkai bona ihira au mopahawe Ngkora Marasa i to Yahudi, hai ikami au mopahawe Ngkora Marasa i tauna au barahe to Yahudi.

Galatia 1:19

Tempo iti, kupohidupaa wori Yakobu halalu ntepuuna Pue Yesu. Agaiana surona Pue Yesu au ntanina, barahe kuita.

Suro 15:13

Karoonda Baranaba hai Paulu mololita, Yakobu mopahawe wori lolitana, nauli, “Halalu-halalu, nipehadingi lolitangku.

Suro 4:19

Mehana Peturu hai Yohane, rauli, “Nipekiri umba au naunde Pue Ala: mampeulaingkai hawami ba mampeulaingkai hawana Pue Ala!

Suro 4:13

Tingkara mpuumohe tadulako iti moita kapebainda Peturu hai Yohane mololita. Apa mani Peturu hai Yohane, tauna biasa peahe au barahe mosikola. Raisa wori ihirami au hihimbela hai Yesu.

Suro 2:14

Hangko inditi, Peturu meangkami hihimbela hai rangana au hampulo hai hadua, mololita masisimbuku, nauli, “Halalu-halalu to Yahudi, hai ikamu au maida i Yerusale! Nipehadingi maroa, lawi apa au mewali ide, ina kupakanotoakau.

Yohane 21:2

Hambela tempo bahangkiahe topeguruna Yesu mogulu i wiwi rano, iami Simo Peturu, Tomas au rauli Toporopa, Natanael hangko i boea Kana i tampo Galilea, rodua anana Sebedeus, hai rodua topeguruna Yesu au ntanina.

Yohane 18:17

Towawine topokampai baba iti mekune i Peturu, nauli, “Bara pae oio wori hadua topeguruNa tauna olou?” Nasapuaka Peturu, Nauli, “Bara!”

Yohane 11:16

Tomas, au rauli Toporopa, mouliangaahe hangka topeguruna, “Maikau meulake Iria nauri mateke hihimbela hai Ia.” Mewali lao mpuumohe i tampo Yudea.

Markus 14:33

Agaiana Peturu, Yakobu hai Yohane Nawawahahe meula Iria. I tempo iti, masusami laluNa hai moradami.

Markus 9:2

Ini alona hangko inditi, Yesu moanti talu topeguruNa mempanai lao i wongko bulu au mapangka. TopeguruNa au talu iti iami: Peturu, Yakobu hai Yohane. Au ara i tempo iti, Yesu pea hai topeguruNa au talu iti. Tanganda inditi, tebalimi lenggeNa.

Markus 5:37

Napaliliumi Yesu polumaoNa agaiana bara mopaliu tauna bosa meula Iria, batena pea Peturu, Yakobu hai Yohane adina.

Matiu 9:9

Roo indo, padumi Yesu hangko inditi. I tanga rara, Ia moita hadua au mohuda i bambaru pobaiaria asele, hangana Matiu. Nauli Yesu iria “Peulamide Iriko!” Meangkami Matiu hai liliu meula Iria.

2 Yohane 1:1

Sura ide hangko iriko Tosaenda to Sarani, kupakatu irio Ina, au napileiko Pue Ala, hai i ope-opehe anamu au tou-tou mpuuhe kupokaahi. Bara pea iko au mampokaahikau, agaiana ope-ope worihe tauna au moisa paturo au tou mampokaahikau.

1 Korintu 15:7

Roo indo, mopatongawa mbulimi watana i Yakobu adiNa, hai i ope-ope suroNa.

Yohane 14:22

Yudasi (bara Yudasi Iskariot) mekune i Yesu, nauli, “Pue, moapa hai irikami peaKo mopatongawa wataMu, bara i ope-ope tauna au i dunia?”