Roma 8:9 - Sura Malelaha

⁹ Agaiana ikamu halalu, barapokau moula peundeana lalumi au kadake. Moulamokau peundeana Inao Malelaha, ane Inaona Pue Ala iti maida i lalumi. Ane tauna au bara ara Inaona Kerisitu i lalunda, barahe to Sarani.

Roma 8:9 Referans Kwoze

Galatia 4:6

Mewali, anti kanapoananta Pue Ala, Ia motudumi Inaona AnaNa maida i lalunta. Anti pobagona Inao Malelaha iti i lalunta, ido hai peisake mokakio Pue Ala, “Uma!”

1 Korintu 3:16

Bara pae niisa halalu: ikamumi sou paidaana Pue Ala, hai Inaona Pue Ala maida i lalumi.

2 Timotiu 1:14

Napoinalaiamoke Pue Ala moanti paturo au tou. Mewali, anti kuasana Inao Malelaha au maida i lalunta, nukampai maroa paturo iti; inee nupogiangaa nabaliki tauna ntanina.

1 Korintu 6:19

Bara pae niisa halalu, watami iami paidaa Inao Malelaha. Inao Malelaha au maida i lalumi, nihumba hangko i Pue Ala. Mewali watami barapi ikamu ampuna.

Roma 8:11

Pue Ala mopatuwo hule Yesu anti kuasana Inao Malelaha, hai Inao Malelaha iti au maida i lalunta. Mewali, kehapiri watanta mate, batena napatuwo huleke Pue Ala anti kuasana Inao Malelaha au maida i lalunta.

Yohane 14:17

Topetulungi iti, iami Inaona Pue Ala au moninikau i paturo au tou. Tauna au bara mepoinalai, barahe peisa modoko Inaona Pue Ala, lawi bara raita hai bara raisa. Agaiana ikamu, niisami, lawi Naporangaimokau ide-ide, hai ina maida i lalumi.

Epesu 1:13

Nodo wori ikamu. I kamohadimi bambari au tou mewalimokau taunana Pue Ala. Mampoinalaimokau Ngkora Marasa iti, ido hai Nahoremamokau Pue Ala hangko i huku dosami. Hai Naweimokau Inao Malelaha au Nadandi hangkoia, au mewali pekatandaina Pue Ala i lalumi au mopatongawa pewalimimi taunaNa.

Galatia 5:24

Ane mewalimoke taunana Kerisitu Yesu, barapoke nakuasai peundeana lalunta au kadake lawi peundeana lalunta au kadake iti rapakumi i kau mombehape hihimbela hai Kerisitu.

Epesu 2:22

Hai ikamu wori halalu au barakau to Yahudi, anti pohintuwumi hai Kerisitu, raaro sambelamokau hai ope-ope tauna au mepoinalai i Kerisitu. Hai mewalike haogu sou au napaidai Pue Ala i lalu kuasana Inao Malelaha.

Roma 8:2

Lawi anti pohintuwuta hai Kerisitu Yesu, Inao Malelaha moweike katuwo au wou hai mokabahake hangko i kuasa dosa au mopaara kapate.

Yohane 3:6

Manusia molambi katuwona watana hangko i tosaena. Agaiana katuwo pepoinalaina nahumba hangko i Inao Malelaha.

Pilipi 1:19

lawi kuisa anti pekakaemi hai anti petulungina Inao Malelaha au hangko i Yesu Kerisitu, batena tekabahana.

1 Yohane 4:13

Hintuwumoke hai Pue Ala, hai Pue Ala mohintuwu hai ikita. Iti taisa lawi Naweike InaoNa.

Lukasi 11:13

Kehapirikau kadake, niisa mani mowei apa au maroa i anami. Apa mani Umami au ara i suruga! Batena ina mowei Inao Malelaha i tauna au merapi Iria.”

1 Yohane 4:4

Agaiana ikamu anangku, napoanamokau Pue Ala, hai ninangimohe nabi au mepawuli iti, lawi Inao au ara i lalumi melumbu kuasana hangko i inao au ara i lalunda au barahe mepoinalai i Pue.

1 Korintu 15:23

Agaiana ope-ope tauna ina rapatuwo hule moula tempo au tepatokami au nguru-nguruna iami Kerisitu. Roo indo i kahawe huleNa i dunia ide, ope-ope tauna au meula Iria ina rapatuwo hulehe.

1 Yohane 3:24

Tauna au moula hawana Pue Ala, mohintuwu liliuhe hai Ia, hai Ia mohintuwu hai ihira. Iti taisa, lawi Pue Ala mokiraiamoke InaoNa.

2 Korintu 6:16

Peisa pae Souna Pue Ala rapopogulu hai sou penombaa i anitu? Ikita ide rapandiri nodo souna Pue Ala, lawi Pue Ala au tuwo maida i lalunta. Nodo au teuki i Ngkorana Pue: “Ina maidaNa i olonda hai ina Kuporangaihe. Ina mewaliNa Pue Ala au rapenombai, hai ihira ina mewalihe taunaNgku.”

Yohane 3:34

Lawi Iami au natudu Pue Ala mohowara NgkoraNa, hai Pue Ala mowei Inao Malelaha Iria au bara ara hokana.

1 Peturu 1:11

Anti peninina Inaona Kerisitu au ara i lalunda, Pue Ala mampopaisaahe noumba karumihina kapari au hangangaa morumpa watana Kerisitu hai noumba kamahilena tuwoNa ane liumi kapari iti. Agaiana nabi-nabi hangkoia, barahe moisa noumba ope-ope iti ina mewali. Ido hai raparesa ntepuu, lawi rapeinao raisa impira kaina haweNa hai noumba pewalina.

Pampetudungia 13:8

Ope-ope tauna au maida i dunia menomba iria. Au bara menomba iria, batena pearaihe tauna au teuki hanganda i lalu Sura Ngkatuwo hangko damani dunia rapopewali. Sura Ngkatuwo iti, iami surana Ana Dimba au rasambale. I lalu sura iti, teuki hanganda tauna au molambi katuwo maroa au bara mokahopoa.

2 Korintu 10:7

Nipekiri maroa-roa! Ane nipakanoto i lalumi kaikamuna topeulana Kerisitu, hangangaa nipangaku kaikamina wori topeulana Kerisitu.

Yohane 14:23

Nauli Yesu, “Tauna au mampokaahiNa mampeulaihe lolitaNgku. Ihirami au napokaahi UmaNgku. UmaNgku hai Iko ina mai i tauna iti hai maidaNgkai irihira.

Suro 16:7

Kahawenda i pariolo Frigia hai Misia, ina laohe i tampo Bitinia, agaiana Inao Malelaha au hangko i Pue Yesu mokontohe bona ineehe lao inditi.

Roma 7:5

Hangkoia, i kadanta mani mepoinalai i Yesu, tapeinao peami mobabehi au kadake. Hai apa au rakontoake i Aturana Musa, itiri au tapeinao tababehi. Lawi i lalu katuwonta hangkoia, watanta tapake mobabehi dosa, alana hintotoke rahuku mate hai ragaakike hangko i Pue Ala.

Roma 8:1

Mewali, ide-ide barapi ara pehuku irikita au mohintuwumoke hai Kerisitu Yesu.

1 Korintu 6:17

Agaiana hadua tauna au mohintuwu hai Pue, ia hampepekiri hai Pue.

Epesu 3:17

Kuharunga anti pepoinalaimi, Kerisitu ina maida i lalumi. Mekakaena bona nodo tuda-tuda ina mouakakau, hai moarokau tuwomi i ahiNa.