Roma 7:5 - Sura Malelaha

⁵ Hangkoia, i kadanta mani mepoinalai i Yesu, tapeinao peami mobabehi au kadake. Hai apa au rakontoake i Aturana Musa, itiri au tapeinao tababehi. Lawi i lalu katuwonta hangkoia, watanta tapake mobabehi dosa, alana hintotoke rahuku mate hai ragaakike hangko i Pue Ala.

Roma 7:5 Referans Kwoze

Epesu 2:3

Hangkoia, ikita ope-ope nodo wori babehianta. Moula peake peundeana lalunta hai pekirinta au kadake. Nodo ihira, i tempo iti ikita hintoto worike nakarumpui Pue Ala anti babehianta au kadake.

Galatia 5:24

Ane mewalimoke taunana Kerisitu Yesu, barapoke nakuasai peundeana lalunta au kadake lawi peundeana lalunta au kadake iti rapakumi i kau mombehape hihimbela hai Kerisitu.

Galatia 3:10

I lalu Sura Malelaha hangkoia teuki node: “Hema-hema au bara mampeulai hinangka parenta au teuki i lalu Aturana Musa, batenda napaharara Pue Ala.” Mewali, halalu, taisa: ane ara tauna au napeinao mopamanoto watana i peitana Pue Ala anti pampeulaina Aturana Musa, batena ina harara i lindona Pue Ala. Lawi hema pae au peisa mampeulai ope-ope hai au bara ara kamasalana?

Roma 6:13

Ineemi tahuhu watanta nakuasai dosa, au moantike mobabehi babehia au kadake. Agina tahuhu katuwonta i Pue Ala, lawi tekabahamoke hangko i katuwonta au hangkoia hai molambimoke katuwo au wou. Hangangaa tahuhu watanta i Pue Ala bona watanta ide tapake mobabehi babehia au manoto.

Roma 6:21

Rasi apami au nihumba hangko i katuwomi au hangkoia iti? Bara mpuu ara! Babehiami au hangkoia nipokaeami. Babehia iti moantikau i kapate au mogaakikau hangko i Pue Ala.

1 Yohane 3:4

Ope-ope tauna au mobabehi dosa molingkaihe hawana Pue Ala. Lawi au rauli dosa iami polingkaita hawana Pue Ala.

Kolose 3:5

Mewali, anti kamatenta hihimbela hai Kerisitu, hangangaa takabaha babehianta hai katuwonta au hangkoia. Ineekau motambi-tambi dele, ineekau mobabehi babehia au merikai. Ineekau mohaoki au kadake, ineekau mampokaelu anu-anuna rangami. Lawi hema au mobabehi iti, himbela hai tauna au menomba i anitu.

1 Korintu 15:56

Kuasa kapate iami dosa. Mewali manusia hangangaa mate anti kamadosana, hai dosa iti tongawa i atura-atura agama.

Yakobu 4:1

Halalu, moapari pane ara pobungka-bungka hai pombehahanai i olomi? Bara pae hangko i peundeami haduduami au mombeala liliu i lalumi?

Yakobu 1:15

Ane mampeulaike peundeana lalunta, batena mobabehike dake. Hai ane iti au tababehi liliu, kahopoana ina naantike i kapate.

Titu 3:3

Lawi hangkoia, makaindi mani lalunta, bara taisa rara au manoto, taliungi AturaNa. I tempo iti, napohawi manike peundeana lalunta au kadake hai katana dunia au mepakanawo. Kadake lalunta, mahinake i ranganta, hai mombekahihi peake.

Epesu 2:11

Mewali, halalu au barakau to Yahudi, nikatuinao noumba katuwomi hangkoia. Ikamu, rauli to Yahudi: “tauna au bara ratile.” Hai to Yahudi iamohe: “tauna au ratile” lawi ratilehe moula ada agamanda, mewali rauli ihira pea taunana Pue Ala. Agaiana ada mpetile iti, iami ada au rababehi pea tauna mewali tanda i watanda.

Roma 7:23

Agaiana atura iti barari kupeulai, lawi ara kuasa ntanina i lalu katuwongku au monangina. I lalungku, kuunde mpuu moula Aturana Pue Ala, agaiana kuasa dosa au i lalu katuwongku moewa peundeaku iti, alana nanangina dosa hai kupeulai pearai peundeana lalungku au kadake.

Roma 6:23

Hema au mobabehi dosa batena molambi hurungina, hai hurungina iti iami kapate au mogaakike hangko i Pue Ala. Agaiana anti kabulana laluna Pue Ala irikita, ido hai Naweike katuwo maroa au bara mokahopoa. Kabulana laluNa iti tahumba anti pohintuwuta hai Kerisitu Yesu, Amputa.

Roma 6:19

Ngkora pandiriku ide kupake bona mamura kaniisana paturongku. Hangkoia napohawikau dosa, lawi moula peakau peundeana lalumi au kadake hai au bara hintoto, alana napohingka rumihiri kakadakena babehiami. Agaiana ide-ide, agina nihuhu watami i Pue Ala bona mewalikau hawiNa alana manoto babehiami hai malelaha tuwomi.

Roma 5:20

Tunggaiana Aturana Pue Ala au napahawe Musa, iami bona tongawa mpuu kamasalanda ope-ope tauna, lawi ngkaiami peliunginda i Atura iti. Agaiana nauri rumihi kamahilena dosa manusia, melumbu mani kamahilena kabulana laluna Pue Ala i manusia!

Roma 4:15

Lawi au tahumba hangko i Aturana Musa iami karumpuna pea Pue Ala, lawi moliungike Atura iti. Ane rapana Pue Ala barake mowei aturaNa, kebarake masala moliungi atura iti.

Roma 3:20

Bara ara hadua au manoto i peitana Pue Ala i pampeulaina Aturana Musa. Lawi hangko i atura itimi, taisa kamadosanta.

Roma 1:26

Mewali, anti kadanda mau menomba i Pue Ala, ido hai Napogiangaamohe moula peundeana lalunda au mepakaea iti. Hawe-hawe i towawine, barapi tedii lalunda i tobalilo. Agaiana hadua-hadua towawine mampotambiarihe hangka towawinenda.

Yohane 3:6

Manusia molambi katuwona watana hangko i tosaena. Agaiana katuwo pepoinalaina nahumba hangko i Inao Malelaha.

Matiu 15:19

Lawi hangko i lalunta mesupa hinangkana pekiri au kadake, alana ara au mepapate, mebualosi, metie, manangka, mosabi dongko hai mengkora-ngkora.

2 Korintu 10:3

Ikami tauna biasa peangkai. Agaiana barangkai mopake kapande manusia.