Roma 4:13 - Sura Malelaha

¹³ Hangkoia Pue Ala modandi i Burahima hai i pemuleana kaina mokuasainda dunia. Tunggaiana Pue Ala bona Burahima hai pemuleana mewali manoto anti pepoinalainda alana molambihe apa au Nadandi iti. Barahe molambi apa au nadandi Pue Ala anti pampeulainda Aturana Musa.

Roma 4:13 Referans Kwoze

Galatia 3:29

Anti pohintuwuta hai Kerisitu, Naimbamoke pemuleana Burahima, hai batena mohumbake apa au nadandi Pue Ala, iria.

Roma 9:8

Lempona bara ope-ope pemuleana Burahima au mewali anana Pue Ala, batena pea au rapoanaka moula dandina Pue Ala.

Suro 13:32

Napaliliu Paulu lolitana i to Yahudi i sou penombaa iti, nauliangaahe, “Mewali halalu, ikamimi au mopahaweakau Ngkora Marasa ide. Apa au Nadandi Pue Ala hangkoia i toiorunta, Napopewalimi irikita pemuleanda. Pue Ala mopatuwo hule Yesu hangko i kapate nodo au teuki i lalu Petoia au kadua: ‘Oiomi AnaNgku. Alo ide KupoanamoKo.’

Roma 4:12

Nodo wori Burahima rapouma to Yahudi, lawi ia au rapopandiri ope-ope to Yahudi au bara pea ratile agaiana au mepoinalai worihe i Pue Ala nodo Burahima au mepoinalaimi i Pue Ala hangko damani ratile.

Ibarani 7:6

Melkisedek, bara pemuleana Lewi. Agaiana nauri nodo, ia molambi hangkira hampulo hangko i Burahima. Hai nauri Burahima molambi dandina Pue Ala, bara Burahima au mowati Melkisedek agaiana Melkisedekri au mowati Burahima.

Ibarani 11:7

Anti pepoinalaina, Noho mengkoru i hawana Pue Ala. Pue Ala mouliangaa kaina arana owai meumbala au molaboa dunia. Mewali, kehapiri bara mani naita pewalina, hawana Pue Ala napeulaimi hai nababehimi duanga mahile bona ia hai towawinena hai anana bara mate maliso. Ope-ope tauna i dunia rahuku, agaiana Noho anti pepoinalaina, ia Naimba Pue Ala manoto i peitaNa.