Roma 2:6 - Sura Malelaha

⁶ Ia ina mohurungi ope-ope tauna moula babehiana hadua-hadua.

Roma 2:6 Referans Kwoze

2 Korintu 5:10

Lawi hambela tempo, ikita ope-ope hangangaa molindo Kerisitu bona Naparesa babehianta, hai ikita ope-ope ina molambi hurungina hintoto hai apa au tababehi tanganta mani tuwo i dunia ide.

Matiu 16:27

Hambela tempo Iko Ana Manusia ina maiNa hangko i suruga mampetudungia peawana tuwoNgku au himbela hai peawana tuwona UmaNgku. I tempo iti, bosa wori malaeka ina moulaNa, hai batena Kuhurungi babehianda ope-ope tauna.

Pampetudungia 22:12

Nauli Pue Yesu, “Barapi mahae ina hawemoNa, hai ina Kuhurungi babehianda ope-ope tauna hintoto hai apa au rababehi.

Pampetudungia 20:12

Hai kuitahe tomate au rapatuwo hulemohe, maroa au koi ba au mahile tuwonda, meangkahe i lindo kadera kadatua iti. Tauna au mate maliso i tahi hai ope-ope tauna au ara i paidaa tomate, meangkamohe ope-ope i lindo kadera kadatua iti. Hai rabungkahimi sura, inditi teuki ope-ope babehianda. Mewali, ope-ope tomate au rapatuwo hulemohe ina rahukuhe hintoto hai apa au teuki i lalu sura iti, karahukunda moula babehianda. Hai rabungkahi worimi sura au hambuana, hangana Sura Ngkatuwo.

1 Korintu 3:8

Au mantuda hai au mobumbuhi, himbela peahe. Ihira rodua ina molambihe saronda moula kantimina bagonda.

Pampetudungia 2:23

Ope-ope tauna au meula iria ina Kupapatehe. Hangko inditi, ina tongawa i ope-ope jumaa kaIkona au moparesa pekiri manusia hai lalu manusia. Ina Kuhurungikau hintoto hai babehiami.

1 Korintu 4:5

Ido hai kuuli, ineekau mosalai pobagonda hangka rangami. Nipegiami kahawena hule Pue. Iami au ina mobungkahi ope-ope au tewuniangi mani i lalu kamakaindi. Ia au ina mopatongawa ope-ope tunggaianda tauna au tewuniangi mani. I tempo itimi, hadua-hadua tauna ina molambi petoia hangko i Pue Ala moula kahintotoana.

Roma 14:22

Ane nupoinalai kadamu masala mobabehi babehia iti, pelambiamu iti hangangaa nukingki pea i lalumu haduduamu i lindona Pue Ala. Morasimi tauna au mobabehi apa au maroa moula pelambiana, hai barahe mosalai watana.

2 Korintu 11:15

Ido hai bara tapotingkara ane topobagona Datu Tokadake motabungihi babehianda au kadake bona raitahe nodo topobagona Pue Ala. Agaiana kahopoana, ina molambihe hurungina au hintoto hai dakenda.

2 Timotiu 4:14

Mainga-ingako i Aleksander, topobabehi parewa hangko i tambaga, lawi Ia au moewa mpuuke bona dati ara tauna au mampoinalai paturonta. Ngkaia babehiana au kadake iriko. Babehiana iti ina nahurungi Pue.