Pilipi 3:3 - Sura Malelaha

³ Katouana ikitami au manoto i peitana Pue Ala lawi menombake Iria moula peninina Inaona haduduaNa, hai matana mpuu lalunta anti pohintuwuta hai Kerisitu Yesu. Barake moharunga ada au raita pea i raoa bona mewalike manoto i peitana Pue Ala.

Pilipi 3:3 Referans Kwoze

Kolose 2:11

Anti pohintuwumimi hai Kerisitu, himbela pea ratilemokau. Karatilemi iti, bara petile au napobago manusia, agaiana petile au napobago Kerisitu i lalumi. Lempona, Nakabahamokau hangko i kuasa dosa.

Roma 7:6

Agaiana ide-ide, tekabahamoke hangko i Aturana Musa au motakake hangkoia lawi matemoke hihimbela hai Kerisitu. Mewali, barapoke moula rara au hae; moula atura-atura au teuki. Ide-ide moulamoke rara au wou; mengkoruke i Pue Ala anti kuasana Inao Malelaha.

Galatia 5:25

Lawi naweimoke Inao Malelaha katuwo au wou, hangangaa tapeulai peundeana Inao Malelaha iti.

Roma 8:15

Hangkoia, nodoke hawi, lawi langake i pehukuna Pue Ala. Agaiana ide-ide, anti polambitami Inao Malelaha, barapoke langa. Lawi Inao Malelaha itimi au mampopewalike anana Pue Ala. Hai anti pokalena Inao Malelaha, baimoke mokakio Pue Ala, “Uma!”

Epesu 6:18

Hai i lalu pombealami moewa Datu Tokadake, mekakaekau hai merapi tulungi liliukau i Pue Ala. I hinangkana, mekakaekau moula peninina Inao Malelaha. Ineekau oha-oha mekakae hai hangangaa nipekakaea liliuhe ope-ope tauna au mepoinalai i Pue Yesu.

Roma 1:9

Pue Ala au kupobagoa hangko i lalungku i lalu pobambaringku Ngkora Marasa kana i AnaNa, Iami au mewali sabingku, noumba kakukabelaimi bela-belangku mekakae.

Yudasi 1:20

Agaiana ikamu halalungku au kupokaahi! Hangangaa mombepakaroho mpolalukau bona maroho pepoinalaimi, lawi paturo au tapoinalai iti malelaha. Hai Mekakae liliukau moula peninina Inao Malelaha.

Roma 15:17

Anti pohintuwuku hai Kerisitu Yesu, matana lalungku mopatuntu bago au kupobago i Pue Ala.

Roma 9:6

Ide-ide, kabosanda to Isaraeli, barahe taunana Pue Ala. Agaiana ineeri tapehangu dandina Pue Ala i to Isaraeli bara tepabukei. Bara tou lolita iti! Lawi i olonda pemuleanda to Isaraeli au napilei Pue Ala hangkoia, barahe ope mewali taunaNa.

2 Korintu 11:18

Bosa tauna motoiahe watanda haduduanda hai mampololita bagonda au rababehi hangko i karohona watanda. Hai ide-ide ina mampomahile worina watangku.

Galatia 6:16

Mekakaena bona ope-ope tauna au tuwo moula paturo ide hai au mewali taunana Pue Ala ina molambi roa ngkatuwo hai ahina Pue Ala.

Pilipi 1:1

Sura ide hangko irikami Paulu hai Timotiu, hawina Kerisitu Yesu, kipakatuakau halalungki hampepepoinalai i lalu Kerisitu Yesu i wanua Pilipi, hai tauna au mampopolumao bagona Pue i olomi, maroa penatua, maroa diaken.

Pilipi 3:12

Halalu, bara kuuli kuisa mpuumi Kerisitu, ba kuuli malelahami tuwongku. Bara wongkoia. Agaiana kupari-pari bona mewalina himbela hai Ia, lawi nodomi tunggaiana Kerisitu Yesu au mokakiona mewali taunaNa.

Pilipi 3:14

Iko nodona hadua tauna au momberiri melangka: barapi kupembalilingi apa au i taleungku, melangka liliuna monontohi au kutunggai. Kupari-pari moula peundeana Pue Ala bona molambina parasee penangi au naweina Pue Ala i suruga, ido hai pane Nakakiona mohintuwu hai Kerisitu Yesu.