Pilipi 3:16 - Sura Malelaha

¹⁶ Ide paraluu ntepuu: hangangaa tuwoke moula apa au taisami hawe ide-ide.

Pilipi 3:16 Referans Kwoze

Kolose 2:6

Ido hai, halalu, anti kanidokonami Kerisitu Yesu mewali Ampumi, babehiami alo-alona hangangaa moula peundeaNa, lawi mohintuwumokau hai Ia.

Pampetudungia 3:3

Ido hai Kuuliangaakau: hangangaa nikatuinao paturo au nihadi hai au nidoko hangkoia. Peulaimide apa au rapaturoakau iti, hai menosomokau hangko i dosami. Lawi ane barakau mainga-inga, bara ina niisa impira kahawengku, lawi kahaweNgku iti nodo kahawe topanangka.

Galatia 6:16

Mekakaena bona ope-ope tauna au tuwo moula paturo ide hai au mewali taunana Pue Ala ina molambi roa ngkatuwo hai ahina Pue Ala.

Roma 15:5

Taperapi Pue Ala mohuweki lalunta hai mopakarohoke bona mantahake i lalu kapari, bona mohintuwukau hadua hai hadua anti peulami i Kerisitu Yesu

Pilipi 4:2

Halalungku Euodia hai Sintike! Kuperapi bona hintuwukau nodo au hintoto i tauna au mepoinalai i Pue.

Pilipi 2:2

Ido hai kuperapi bona nipamatana mpuu lalungku: hangangaa mohintuwukau hadua hai hadua, mombepokaahi mpuukau, nipahangau-ngau lalumi, hai nipahimbela tunggaiami.

Pilipi 1:27

Mewali, au paraluu irikamu iami babehiami hangangaa hintoto hai poulami Ngkora Marasa au hangko i Kerisitu. Hangangaa nibabehi nodo bona ane kupohidupaa manikau ba barapi, ina kuisa kamarohona pepoinalaimi hai kamarohona pohintuwumi i lalu pobagomi mobambari Ngkora Marasa.

Roma 12:16

Mohintuwukau hai rangami. Ineekau mampemahile, agina nipogaloahe tauna au i woi katuwonda. Hai inee nipekiri kapandemi melumbu hangko i rangami.

Galatia 5:7

Hangkoia, peulami i Ngkora Marasa maroa. Hemarihe au mohombokikau pane barapokau mampeulai paturo au tou?

Kolose 4:2

Ineekau oha-oha mekakae, hai i lalu pekakaemi hangangaa mainga-ingakau hai niuli liliu ngkaia kamaroana i Pue Ala.