Pilemo 1:1 - Sura Malelaha

¹ Sura ide hangko iriko Paulu, au ratarunggu anti pobagongku mopahawe bambari kana i Kerisitu Yesu, hai hangko i Timotiu, halalunta hampepepoinalai. Kipakatu sura ide irio Pilemo, halalungki hampopobago au kipokaahi.

Pilemo 1:1 Referans Kwoze

Epesu 3:1

Ido hai, iko Paulu, ratarungguna lawi moantina Ngkora Marasa kana i Kerisitu, irikamu au barakau to Yahudi.

Pilemo 1:9

Agaiana kukatuinao kamahilena ahimu, ido hai barako kuparentai. Kupahawe pea pamperapiku irio. Iko Paulu, hadua tosae au tangangku ratarunggu anti pobagongku i Kerisitu Yesu,

Kolose 1:1

Sura ide hangko iriko Paulu, au naangkana Pue Ala mewali surona Kerisitu Yesu moula peundeaNa, hai hangko i Timotiu, halalunta hampepepoinalai.

Pilipi 2:25

Ane halalunta Epafroditus, au mahaemi nitudu mai modureina, kutudumi mesule irikamu. Ikami rodua, nodongkai tauna au hihimbela lao mombeala, lawi hampopobagongkai i lalu bagona Pue, hai natulungimona i lalu kaparingku.

1 Korintu 3:9

Ikami hampopobago peangkai i lalu bagona Pue Ala, hai ikamu, halalu, peisakau rapandiri nodo bondena Pue Ala. Ikamu peisa worikau rapandiri nodo souna Pue Ala.

2 Timotiu 1:8

Ido hai kuweiko lolita bona ineeko maea mewali sabina Pue Yesu, hai inee woriko maea manguli kaikona rangamu nauri ratarungguna anti pobambaringku Ngkorana Pue. Mewali oio wori hangangaa masilolonga mohalea kapari anti pobagomu mobambari Ngkora Marasa. Pue Ala moweiko roho mohalea kapari iti.

Kolose 4:11

Tabeana wori Yesu, au rahanga wori Yustus. Hangko i ope-ope to Yahudi au mepoinalai i Pue Yesu, ihira pea talu ide au mobago hihimbela hai iko mampopolumao bago poparentana Pue Ala hai mopakarohohe lalungku.

Pilipi 4:3

Hai kuperapi irikamu rangangku hampopobago (Sunsugos) au tetida lalumi, nitulungi wohiraia towawine au rodua iti bona ineehe mosisala. Tangangku mani hihimbela hai ikamu, madotahe mamporangaina mopahawe Ngkora Marasa hihimbela hai Klemens hai rangangku au ntanina au hampopobago. Hanganda ope haha teuki i lalu Sura Ngkatuwo.

Epesu 4:1

Halalu, nihadimi ope-ope paturongku. Ide iko, au ratarunggu anti pobagongku i Pue Ala, kuperapi mpuu irikamu bona mobabehikau apa au hintoto rababehi anana Pue Ala, lawi Nakakiomokau mewali anaNa.

2 Korintu 1:1

Sura ide hangko iriko Paulu, au naangka Pue Ala mewali surona Kerisitu Yesu moula peundeaNa, hai hangko i Timotiu, halalunta hampepepoinalai, kipakatu irikamu jumaa au ara i wanua Korintu hai i ope-ope to Sarani au i propinsi Akaya.

Pilemo 1:24

Tabeanda wori halalungku au hampopobago, iami Markus, Aristarkus, Demas hai Lukasi.

2 Tesalonika 1:1

Sura ide hangko irikami: Paulu, Silas hai Timotiu. Sura ide kipakatu irikamu halalungki hampepepoinalai i Tesalonika au menombakau i Pue Ala Umanta hai i Pue Yesu Kerisitu! Mekakaengkai bona Pue Ala Umanta hai Pue Yesu Kerisitu mowatikau hai moweikau roa ngkatuwo.

Epesu 6:20

Anti pobambaringku Ngkora Marasa iti, ide-ide ratarungguna. Mewali, nipekakaea wongkoia bona bai peana mopahawe Ngkora Marasa moula kahihintotoana.

Suro 16:1

Paulu mopaliliu polumaona lao i wanua Derbe hai i wanua Listra. I wanua Listra, ara hadua tobalilo au mepoinalai i Yesu, hangana Timotiu. Inana Timotiu, to Yahudi au mepoinalai wori i Yesu. Umana to Yunani.

Galatia 3:26

Mewali, Napoanamoke Pue Ala ope-ope anti pepoinalainta i Kerisitu Yesu.

Pilipi 1:1

Sura ide hangko irikami Paulu hai Timotiu, hawina Kerisitu Yesu, kipakatuakau halalungki hampepepoinalai i lalu Kerisitu Yesu i wanua Pilipi, hai tauna au mampopolumao bagona Pue i olomi, maroa penatua, maroa diaken.

Pilemo 1:23

Epafras, au ara hihimbela hai iko i lalu tarunggu anti pobagona mopahawe bambari kana i Kerisitu Yesu, mopakatu wori tabeana irikamu.