Pampetudungia 4:5 - Sura Malelaha

⁵ Hangko i kadera kadatua iti, mombehangkemi kila, hai mopereremi gumpata. I lindo kadera kadatua iti, ara pitu mbuana hulo au rore. Hulo iti, lempona Inaona Pue Ala au mampopolumao pitu pakana bago.

Pampetudungia 4:5 Referans Kwoze

Pampetudungia 11:19

Hangko indo, tebungkahimi baba Souna Pue Ala i suruga, hai i lalu SouNa raita Peti Podandi. Liliu mombehangkemi kila, kegumpatami, kelinu, hai toami uda mowua au rumihi.

Pampetudungia 8:5

Roo indo, malaeka iti mangala tabo pointua dupa, napambolii api hangko i meja pointua dupa, hai nanawo i dunia. Hangko indo, kegumpatami, kekilami, hai kelinumi.

Pampetudungia 1:4

Sura ide hangko iriko, Yohane, kupakatuahe pitu jumaa au ara i propinsi Asia. Pue Ala mowatikau hai moweikau roa ngkatuwo. Pewati ide nilambi hangko i Pue Ala au ara hangko i nguru-nguruna, ide-ide hai hawe i hae-haena. Pewati ide nilambi wori hangko i Inaona Pue Ala au ara i lindo kadera kadatuaNa hai au mampopolumao pitu pakana bago,

Pampetudungia 5:6

Roo indo, kuita i olo kadera kadatua hai pinatuwo au iba hai totosae iti, meangkami hambaa Ana Dimba. Hai kuita arami lari pesambalea. TanduNa pitu mbuana, hai mataNa wori pitu. MataNa au pitu iti, lempona Inaona Pue Ala au mampopolumao pitu pakana bago hai au Natudu lao i humalele dunia.

Pampetudungia 3:1

Nauli mbuli Pue Yesu iriko, “Nuukimi lolita ide hawe i tadulako au mokadipura jumaa i wanua Sardis: Idemi lolitana Pue Yesu, au mokingki pitu Inao hangko i Pue Ala hai betue au pitu oguna. Nauli: Kuisa noumba babehiami. Rauli, maroa mpuu tuwomi, moleri pepoinalaimi mate!

Suro 2:3

Hai moitamohe rore api au nodo dila, mangulele hai mengkatoa irihira hadua-hadua.

Matiu 3:11

Nauli mbuli Yohane, “Kuriukau hai owai, tanda pampenosoimimi dosami. Agaiana ina hawe hadua tauna au meliu kuasaNa hangko iriko. Mogalori mowosui peana kandupaNa, barana hintoto. Ia au ina moriukau hai Inao Malelaha hai api.

Matiu 25:1

“Ane hawe suleNa nodo Datu, ara tauna au masilolonga hai ara wori au bara masilolonga. Pewalina nodo ngkora pandiri ide: hampulo anantowawine motunggai lao modupa toratauna tobalilo, hadua-haduahe moanti hulonda.

Pampetudungia 10:3

Mongangami malaeka iti nodo poau singa. Roo malaeka iti monganga, nahanai gumpata au mowotu masisimbuku pitu belana.