Pampetudungia 22:10 - Sura Malelaha

¹⁰ Hai nauliangaa mbulina, “Inee nuwuniangi apa au teuki i lalu sura ide, barapi mahae ope-ope ina mewali haha.

Pampetudungia 22:10 Referans Kwoze

Pampetudungia 1:3

Morasihe tauna au mobasaahe tauna ntanina lolita ide, hai morasi worihe au mampehadingi hai mampeulai apa au teuki i lalu sura ide, lawi barapi mahae ope-ope ide hangangaa mewali.

1 Peturu 4:7

Halalu, kahopoa dunia ide hungkumi hai ope-ope ihina ina matanta. Ido hai hangangaa mainga-ingakau hai nipamanoto pekirimi bona peisakau mekakae.

Pampetudungia 10:4

Karoona gumpata iti mololita, ina kuuki lolitana, agaiana unga pea kuhadi hambua wotu hangko i suruga au mouliangaana: “Iti inee nuuki! Hangangaa nuwuniangi apa au nauli gumpata inona.”

Matiu 10:27

Apa au Kuuliangaakau au bara rahadi tauna ntanina, hangangaa nipololita i ope-ope tauna. Apa au Kukaneniakau i talingami, nipasimbuku kanipahawena i talinganda tauna bosa.

Roma 13:12

Tempo kaindi ide ina liumi, hai ina mabaami. Ido hai hangangaa tatende babehia au makaindi hai tapake parewa pombeala au mewangka.

Pampetudungia 22:16

Iko, Yesu, motudumoNa malaekaNgku mopahawe paturoNgku ide irikamu ope-ope jumaa. Iko pemuleanana Datu Daudi. Ikomi Betue ntanda i Mata alo au mewangka ntepuu.”

Pampetudungia 5:1

Hangko indo, kuita mbuli, i taie koanana Hadua au mohuda i kadera kadatua ara sura au tewilolo. Sura iti pontimali buke hai uki, rawilolo, hai rapekatandai pitu mbuana pene dati rabungkahi.

2 Tesalonika 2:3

Nauri noumba raranda, inee mpuuhe nipogiangaa mopakanawokau, lawi hangko da hawe Alo iti, hangangaa mewali hampai: bosa tauna ina moewahe Pue Ala, hai Manusia Kadake au tepakanotomi mesua i naraka, ina mampatongawa.

Pampetudungia 22:20

Yesu mosabi kana i ope-ope lolita ide, manguli, “Tou mpuu. Barapi mahae ina hawemoNa.” Amin! MaimoKo, O Pue Yesu!

Roma 13:11

Ope-ope iti hangangaa tababehi, lawi taisa mpuu apa au hintoto tababehi i tempo ide: hangangaa mearomoke hangko i kaletanta. Lawi mepongka hangko i kanipoinalaina Pue, kahungku-hungkuami kamaiana Pue Yesu au karombelana. Ina maike Nahorema hangko i dunia au kadake ide.

Pampetudungia 1:11

nauli, “Apa au nuita, nuuki i sura hai nupakatuahe jumaa au pitu ide: Epesu, Smirna, Pergamus, Tiatira, Sardis, Filadelfia hai Laodikia.”

Pampetudungia 22:7

Nauli Pue Yesu, “Barapi mahae ina hawemoNa! Morasihe tauna au mampeulai ope-ope paturo au teuki i lalu sura ide.”

Pampetudungia 22:9

Agaiana nakontona, nauli, “Inee! Ineeko menomba iriko. Batena pea Pue Ala au hintoto nupenombai. Lawi ide iko, hawina pea worina Pue Ala himbela hai oio hai hangka nabimu hai ope-ope tauna au mampeulai apa au teuki i lalu sura ide.”

Pampetudungia 22:18

I ope-ope tauna au mampehadingi apa au teuki i lalu sura ide, kupopaingaa: hema au motambai hampaka lolita i sura ide, Pue Ala ina motambai wori pehukuNa i tauna iti: ina molambihe pepopeahi-ahi au teuki i lalu sura ide.