Pampetudungia 21:2 - Sura Malelaha

² Hai kuita wanua au malelaha, au rahanga Yerusale wou, mendaulu mai hangko i suruga, hangko i Pue Ala. Meawa mpuu wanua iti, nodo hadua toratauna towawine au rahampii makara-kara mampegia toratauna tobalilo.

Pampetudungia 21:2 Referans Kwoze

Ibarani 11:10

Lawi Burahima tangana mampegia hambua wanua au maroho pohudaana, au napopewali hai au naaro mpuu Pue Ala.

Pampetudungia 3:12

Hema au menangi, ina kupopewalihe arii i Souna Pue Ala i suruga. I watanda ina Kuuki hangana Pue Ala UmaNgku hai hangana wanuana Pue Ala. Wanua iti iami Yerusale au wou au mendaulu mai hangko i suruga hangko i Pue Ala UmaNgku. Nodo wori ina Kuuki i watanda hangaNgku au wou.

Pampetudungia 21:10

Nakuasaina Inao Malelaha, hai naantina malaeka iti lao i wowo bulu au mapangka. Hangko inditi, natudungiana hambua wanua au malelaha, iami Yerusale. Wanua iti mendaulu mai hangko i suruga, hangko i Pue Ala.

Ibarani 13:14

Lawi i lalu dunia ide, bara ara paidaa roonta; Mohaokike paidaa au ina mai.

Ibarani 12:22

Halalu, barakau mohungkuki bulu au nodo. Agaiana ide-ide molindomokau Bulu Sion hai wanua Yerusale au i suruga, au napaidai Pue Ala au tuwo. Molindokau isabuna malaeka au moguluhe i lalu katana-tana.

Pampetudungia 22:19

Hai hema au mopamakura hampaka lolita hangko i sura ide, Pue Ala ina mopamakura wori kirana: barapohe peisa maande wua Kau Ngkatuwo, hai barahe peisa mesua i lalu wanua au malelaha, nodo au teuki i lalu sura ide.

2 Korintu 11:2

Mohirina lawi arahe tauna au mampeinao moalakau hangko iriko. Agaiana pohiringku ide hintoto hai peundeana Pue Ala. Lawi ikomi au nguru-nguruna moantikau mepoinalai i Kerisitu. Peundeaku bona mepoinalai liliukau i Kerisitu, lawi ikamu peisa rapandiri nodo anantowawine au ina kutauna hai hadua tobalilo, iami Kerisitu.

Pampetudungia 11:2

Agaiana inee Nuhoka tabangaa Souna Pue Ala. Lawi tabangaa iti, rapasilolongaamohe tauna au bara to Yahudi, au ina moihe-iheki wanua au malelaha iti i lalu iba pulona hai rombula.

Pampetudungia 1:9

Iko, Yohane, halalumi i lalu hangana Yesu. Himbela karapopeahi-ahinta anti peulanta i Yesu, hai himbela kamolambita kira i lalu poparentana Pue Ala, hai himbela wori kamantahata mohalea pepopeahi-ahi iti. Ratendena i lewuto au rahanga Patmos lawi mopahawena Ngkorana Pue Ala hai mosabina kana i Yesu au kupenombai.

Pampetudungia 1:4

Sura ide hangko iriko, Yohane, kupakatuahe pitu jumaa au ara i propinsi Asia. Pue Ala mowatikau hai moweikau roa ngkatuwo. Pewati ide nilambi hangko i Pue Ala au ara hangko i nguru-nguruna, ide-ide hai hawe i hae-haena. Pewati ide nilambi wori hangko i Inaona Pue Ala au ara i lindo kadera kadatuaNa hai au mampopolumao pitu pakana bago,

Pampetudungia 1:1

Ihi sura ide iami kana i apa au napatongawa Yesu Kerisitu. Pue Ala motudu Yesu Kerisitu mopatongawa irikita hawiNa apa au barapi mahae ina mewali. Yesu motudu malaekaNa lao mopatongawa ope-ope iti iriko Yohane, hawiNa.

Yohane 3:29

Napaliliu Yohane lolitana, nauli, “Pandirina i posusa petauna, torabua tobalilo mewali patoa posusa lawi torabua towawine iami ampuna. Topeporangaina meangka pea i holana mampehadingi hawana, hai matana mpuu ane mohadimi lolitana toratauna tobalilo. Nodo wori iko, nodona tauna au meporangai iti, rumihi mpuu kamatanangku mohadi lolitana Yesu.

Ibarani 11:16

Agaiana tampo au rahaoki, iami suruga au meliu kamaroana. Ido hai Pue Ala bara maea ane rauli Ia Pue Ala au rapenombai, lawi Napasilolongaamohe paidaanda i suruga.

Pampetudungia 21:9

Roo indo, maimi hadua hangko i malaeka au pitu au mokingki pambolia au buke hai pitu pakana pepopeahi-ahi au kahopoana. Nauli malaeka iti iriko, “Maiko, kutudungiako towawine au ina rabua hai Ana Dimba.”

Pampetudungia 22:17

Inao Malelaha hai towawine au rataunaa Ana Dimba manguli, “MaimoKo!” Hai ope-ope tauna au mohadi lolita ide, hangangaa manguli worihe, “MaimoKo!” Hema au mangkadou, maimokau! Ane niunde, maimokau maenu owai au mopaara katuwo. Hai bara niholo!