Pampetudungia 21:11 - Sura Malelaha

¹¹ Wanua iti mewangka anti peawana Pue Ala. Mengkila-ngkila nodo paramata au masuli hai nodo watu yaspis. Malino nodo watu au meninto.

Pampetudungia 21:11 Referans Kwoze

Pampetudungia 22:5

Barapi ara kaindi, hai ampu boea iti barapohe moparaluu hulo ba pesimbaki alo, lawi pewangkana Pue Ala au ina mosimbakihe. Hai ina moparentahe nodo datu hawe i hae-haena.

Pampetudungia 4:6

I lindo kadera kadatua iti, ara wori lanta au nodo tahi, malino mpuu nodo kaca ba watu au meninto. Kadera kadatua au masuku iti, natoleliki iba pinatuwo au ngkaia matanda. Humalele watanda nakaarai mata, maroa i lindonda maroa i taleunda.

Pampetudungia 22:1

Natudungia worina malaeka iti hambua owai au malino nodo watu au meninto; owai iti mopaara katuwo. Uluna mesuwu hangko i kadera kadatuana Pue Ala hai Ana Dimba,

Pampetudungia 4:3

mengkila-ngkila nodo paramata au rauli watu yaspis hai watu sardis. Ara wori mporagia mantoleli kadera kadatua iti, nodo pewangka watu samrud.

Pampetudungia 15:8

I tempo iti, Souna Pue Ala i suruga unga pea buke rambu au mesupa hangko i peawana Pue Ala hai hangko i kuasaNa. Bara ara hadua au peisa mesua i lalu, ane bara mani hopo pitu pakana pepopeahi-ahi au raanti malaeka au pitu.