Pampetudungia 15:3 - Sura Malelaha

³ Mamponanimohe nanina nabi Musa, hawina Pue Ala hangkoia, hai nani pebilanda i Ana Dimba. Node naninda: “O Pue Ala, mahile hai maroa ntepuu babehiaMu, Melumbu kuasaMu hangko i hinangkana! Ope-ope au Nubabehi, manoto hai tou. Oiomi datunda ope-ope tauna i dunia.

Pampetudungia 15:3 Referans Kwoze

Ibarani 3:5

Musa matundu mampopolumao bagona i souna Pue Ala nodo hadua topobago mampobagoa ampuna, hai mosabi kana i apa au ina napahawe Pue Ala.

Yohane 1:17

Au tadoko hangko i Musa hangkoia iami aturana Pue Ala. Agaiana au tadoko hangko i Yesu Kerisitu melumbu hangko indo iami kabulana laluna Pue Ala hai paturoNa au manoto.

Pampetudungia 19:2

Toiami Pue Ala, lawi pobotusiNa manoto hai tou. Ia mohukumi towawine au bara maroa adana, au mopakadake dunia ide hai babehiana au merikai. Nahukumi lawi masala anti popapatena hawinahe Pue Ala.”

Pampetudungia 14:3

Mamponanimohe hampaka nani au wou i lindo kadera kadatuana Pue Ala hai i lindonda pinatuwo au iba hai totosae au motolelikihe pohudaa kadatua iti. Naninda bara huba hadua au peisa mampegurui, batena pea ihira au hangatu iba pulona hai iba sabunda iti au moisa. Ihira iti tehoremamohe hangko i dunia, lawi dosanda nahompomi Ana Dimba.

Pampetudungia 17:14

Ina mampombealaa Ana Dimba. Agaiana ina nanangihe Ana Dimba iti, lawi iami Pue hangko i ope-ope pue hai Datu hangko i ope-ope datu. Ana Dimba iti ina raporangai taunaNa au Nakakio hai au Napilei, hai au meula liliuhe Iria.”

Pampetudungia 11:17

rauli, “Pue Ala, kamahilena kuasaMu melumbu hangko i ope-opena. AraKo mpolinguruna hai araKo ide-ide. O Pue, kiuli ngkaia kamaroana Irio, lawi Nupatongawami kamakuasaMu au mahile, hai mepongkamoKo moparenta.

Pampetudungia 4:8

Pinatuwo au iba iti mokapihe ini mbuana, hai humalele watanda momata. Barahe mengkangkaroo mohowara petoianda. Maroa mabaa ba kaindi, manguli liliuhe, “Malelaha! Malelaha! Malelaha! Pue Ala iami au mahile kuasaNa hangko i ope-opena, Ia au ara hangko i nguru-nguruna, au ara ide-ide, hai au ara hawe i hae-haena!”

Pampetudungia 19:16

I baduNa hai i paaNa teuki hanga ide, “Datu hangko i ope-ope datu, Pue hangko i ope-ope pue.”

Pampetudungia 14:8

Hangko inditi, ara wori malaeka karoduana au meula boko i malaeka au nguru-nguruna, mololita, nauli, “Mageromi! Mageromi wanua Babeli au mahile ntepuu! To Babeli iti, mowawahahe tauna i humalele dunia moenu apa au melangui. Lempona, to Babeli mowawaha tauna ntanina bona mampeulaihe babehianda au bara hintoto.”

1 Timotiu 1:17

Pue Ala, Datu au poparentaNa bara mokahopoa, hintoto mpuu rabila hai ratoia, lawi Ia tuwo i hae-haena, au bara taita, hai au bara ara hasimbelana. Tapomahile hai tatoia hangaNa hawe i hae-haena. Amin.

Pampetudungia 1:8

Nauli Pue Ala: “Ikomi Alpa hai Omega. Ikomi pepongkana hai au kahopoana. AraNa hangko i nguru-nguruna, ide-ide, hai batena ara liliuNa hawe i hae-haena. KuasaNgku melumbu hangko i hinangkana.”