Pampetudungia 14:5 - Sura Malelaha

⁵ Barahe modongko, hai bara wori ara kamanawonda.

Pampetudungia 14:5 Referans Kwoze

Epesu 5:27

bona mewalike tauanaNa au malelaha hai meawa, alana barapi ara kamasalanta hai kamakuranta i lindoNa.

Yudasi 1:24

Toiami Pue Ala au makuasa mokampaikau datikau manawo, hai Iami au mokampaikau bona malelaha liliukau duuna Naantikau lao i lindoNa au buke peawa i lalu katana-tana.

Yohane 1:47

KamoitaNa Natanael mai mepohidupaa, mololitami Yesu kana i Natanael, Nauli, “Olou mai hadua to Isaraeli ntepuu, ia bara topodongko!”

Kolose 1:22

Agaiana ide-ide, anti kapatena AnaNa, mohintuwumokau hai Pue Ala, hai Napamalelahamokau duuna barapi ara kamasalami ba kamakurami i peitaNa,

Lukasi 23:4

Hangko indo, nauli Pilatu i kapala-kapala tadulako mpenomba hai i tauna bosa, “Tauna ide bara kulambi salana au ina kuhukua.”

1 Peturu 3:10

I lalu Sura Malelaha teuki node, “Hema au mohaoki katana hai roa ngkatuwo, ia hangangaa mokampai pololitana, bona dati mekakabosai ba mepodongkoa.

Matiu 12:34

Ikamu tauna au kadake! Bara mpuukau peisa mohowara lolita au maroa anti kakadakena lalumi. Lawi apa au ara i lalunta, iti wori au mesuwu i humenta.

Ibarani 9:14

pelumbunami wahena Kerisitu! Anti kuasana Inao Malelaha au tuwo hawe i hae-haena, Kerisitu mohuhu wataNa i Pue Ala bona rapapate mewali popenomba au bara ara kamakurana. WaheNa iti mobahoi lalunta hangko i hinangka babehianta au moantike i kapate bona peisake menomba i Pue Ala au tuwo.

1 Peturu 1:19

agaiana hai au meliu kamasulina, iami wahena Kerisitu. Kerisitu iti nodo hambaa ana dimba au bara ara hakina ba kamakurana. Iami au rahuku mate mopahurukau.

1 Peturu 2:22

Ia bara hambela mobabehi dosa ba modongko.