Pampetudungia 1:16 - Sura Malelaha

¹⁶ Taie koanaNa mokingki pitu oguna betue, hai hangko i ngangaNa mesuwu hamata piho momata pontimali au mataru. LindoNa mewangka nodo pewangka alo.

Pampetudungia 1:16 Referans Kwoze

Ibarani 4:12

Lawi Ngkorana Pue Ala iami lolita au tuwo hai au makuasa. Meliu kamataruna hangko i piho au momata mpotimali. Piho peisa mebelai hawe i leho-leho buu hai ati buu. Nodo wori NgkoraNa Pue Ala metohu hawe i lalunta. Ngkora iti napake Pue Ala moparesa pekirinta hai tunggaiana lalunta.

Pampetudungia 2:16

Ido hai Kuuliangaakau, menosomokau hangko i dosami iti! Ane bara, ina maiNa irikamu hai Kupombealaahe tauna au mampeulai paturo au sala iti hai piho au mesupa hangko i ngangaNgku.

Pampetudungia 19:15

Hangko i lalu ngangaNa, mesuwumi hamata piho au mataru. Hai piho iti, Ia monangi ope-ope tauna i dunia. Roo indo, Naparentahe hai kamarohoNa au nodo kamaroho lai besi. Ia au moupi wua anggoro i lalu popiengaa anggoro. Popiengaa anggoro iti iami karumpuna Pue Ala au makuasa.

Pampetudungia 2:12

Roo indo, nauli mbuli Pue Yesu iriko, “Nuukimi lolita ide hawe i tadulako au mokadipura jumaa i wanua Pergamus: Idemi lolitana Pue Yesu au mopake piho momata pontimali.

Epesu 6:17

Hangangaa niharunga katehoremami au hangko i Pue Ala. Katehorema iti mewali nodo songko besi au mopakarohokau bona mantahakau. Hai hangangaa nipopobundu Ngkorana Pue Ala nodo piho au naweike Inao Malelaha.

Pampetudungia 19:21

Mewali, Topesawi i dara au bula mopapate ope-ope surodadona binata, Nabatahe hai pihoNa au mesuwu hangko i ngangaNa. Hai roo indo, hawe mpuumohe tadasi. Tadasi iti, moandehe onto tauna au rapapate hawehe mabuhu.

Matiu 17:2

Temponda ara inditi, mobalimi lenggena Yesu. LindoNa mewangka nodo alo, hai hampiNa mengkila-ngkila.

Pampetudungia 1:20

Pitu oguna betue au nuita i taie koanaNgku hai biti hulo bulawa au pitu mbuana, ina Kupakanotoako lempona: betue au pitu oguna, lempona pitu tadulako au mokadipura pitu jumaa. Hai biti hulo bulawa au pitu mbuana, lempona pitu jumaa.”

Pampetudungia 3:1

Nauli mbuli Pue Yesu iriko, “Nuukimi lolita ide hawe i tadulako au mokadipura jumaa i wanua Sardis: Idemi lolitana Pue Yesu, au mokingki pitu Inao hangko i Pue Ala hai betue au pitu oguna. Nauli: Kuisa noumba babehiami. Rauli, maroa mpuu tuwomi, moleri pepoinalaimi mate!

Suro 26:13

Agaiana tempoku molumao lao i Damsik, pualomi i tanga rara, unga peana moita pewangka hangko i langi au melumbu hangko i pewangka alo. Nawangkahina hai ope-opehe hampopolumaongku.

Pampetudungia 12:1

Roo indo, kuita i langi hambua tanda au mewulungai: ara hadua towawine au hampina nodo pewangka alo hai i woi bitina ara wula. I waana ara songko au rababehi hangko i hampulo hai roogu betue.

Pampetudungia 10:1

Roo indo, moitana hadua malaeka au maroho mendaulu hangko i suruga. Malaeka iti nabalungkuhi gawu, hai waana natoleliki mporagia. Lindona mewangka nodo alo, bitina nodo arii au keapi.

Pampetudungia 2:1

Nauliangaana Yesu, “Nuukimi lolita ide hawe i tadulako au mokadipura jumaa i wanua Epesu: Idemi lolitana Pue Yesu au mokingki betue au pitu oguna i taie koanaNa hai au molumao i olo pitu mbuana biti hulo bulawa.