Matiu 9:22 - Sura Malelaha

²² Membalilimi Yesu i towawine iti hai Nauliangaa, “AnaNgku, nupakaroho lalumu! Maohamoko, lawi mepoinalaiko Iriko.” Tempo iti pea womi, maohami towawine iti.

Matiu 9:22 Referans Kwoze

Lukasi 7:50

Hangko inditi, nauli Yesu i towawine iti, “Anti pepoinalaimu Iriko, tehoremamoko hangko i huku dosamu. Mesulemoko i lalu Roa ngkatuwo.”

Matiu 15:28

Hangko inditi, nauli Yesu, “Mahile mpuu pepoinalaimu! Ina mewali nodo peundeamu.” Tempo iti peami, maoha mpuu anana.

Matiu 9:2

Kahawenda, arahe tauna au mokowa hadua topalu au rapopaturu i ale, maihe i Yesu. Kanaitana Yesu kamahilena pepoinalainda, mololitami i topalu iti, Nauli, “AnaNgku, nupakaroho lalumu! Teampungimi dosamu.”

Lukasi 18:42

Nauli Yesu, “Meitamoko. Anti pepoinalaimu Iriko, ido hai maohako.”

Lukasi 17:19

Hangko indo, nauli mbuli Yesu i tauna iti, “Meangkamoko, hai laomoko. Anti pepoinalaimu Iriko, ido hai maohamoko.”

Lukasi 8:48

Nauliangaa Yesu, “AnaNgku, maohamoko lawi mepoinalaiko Iriko. Mesulemoko, hai roa ngkatuwo mamporangaiko.”

Markus 10:52

Nauli Yesu, “Laomoko. Lawi mepoinalaiko Iriko, Kupakaohamoko!” Unga pea meita, hai liliu meula i Yesu.

Markus 5:34

Yesu mouliangaa towawine iti, “AnaNgku! Maohamoko lawi mepoinalaiko Iriko. Mesulemoko maroa-roa. Maohamoko, barapi ara hakimu.”

Matiu 9:29

Hangko inditi, Napetobomi matanda hai Nauliangaahe, “Kupakaohamokau moula pepoinalaimi.”

Suro 16:18

I lalu bahangkia alona, nodo liliu pea pololitana, alana malutami Paulu mohadi. Hangko indo, membalilimi Paulu, hai mololita i anitu au mebalasua i towawine iti, nauli, “I lalu hangana Yesu Kerisitu, peloho hangko iria!” Meloho mpuumi anitu iti.

Yohane 4:53

Nakatuinaomi tauna iti, tempona Yesu manguli, “Anamu maohami,” tempo iti womi anana maoha. Hangko indo, tauna iti mepoinalaimi i Yesu hihimbela hai ope-ope hantambiana.

Ibarani 4:2

Lawi ikita ide, rapahawea worimoke Ngkora Marasa, nodo to Yahudi hangkoia. Agaiana Ngkora Marasa iti bara moanti pewati irihira, lawi rahadi mbero pea, bara rapoinalai.

Suro 14:9

Topalu iti mohuda mampehadingi Paulu mololita. Paulu mototoki topalu iti, naisami kamepoinalaina, ido hai ia peisa rapakaoha.

Matiu 17:18

Hangko inditi, Yesu mokambaroa seta au mopakasusa anangkoi iti. Moloho mpuumi seta iti. Pelohona seta iti, maoha mpuumi anangkoi iti.

Matiu 8:13

Roo indo, nauli Yesu i tadulako surodado iti, “Mesulemoko, lawi apa au nupoinalai ina mewali.” Tempo iti, maoha mpuumi hawina au mahai i souna.