Matiu 8:4 - Sura Malelaha

⁴ Roo indo, nauli mbuli Yesu iria, “Inee nupopololita i hema pea apa au mewali inona. Laomoko hampai nupetudungia watamu i tadulako mpenomba bona naita kamaohamumi, hai nuantimi popenombamu moula parenta au teuki i lalu Aturana Musa bona tongawa i ope-ope tauna kamaohamumi.”

Matiu 8:4 Referans Kwoze

Lukasi 17:14

Kanaitanda Yesu, Nauliangaahe, “Laomokau nipetudungia watami i tadulako mpenomba bona tongawa kamaohamimi.” Tanganda molumao, maohamohe.

Lukasi 5:14

Roo indo, Yesu mokonto tauna iti, Nauli, “Inee nupopololita i hema pea apa au mewali inona. Laomoko hampai nupetudungia watamu i Tadulako Mpenomba bona naita kamaohamumi, hai nuantimi popenombamu moula parenta au teuki i lalu Aturana Musa bona tongawa i ope-ope tauna kamaohamumi.”

Markus 7:36

Hangko indo, Yesu mokontohe tauna bosa bona inee rapopololita i hema pea apa au mewali iti. Kehapirihe Nakonto, bambari iti batena pea rapopololita.

Matiu 9:30

Unga peahe meita. Roo indo, nakontohe Yesu, Nauli, “Inee nipopololita i hema pea apa au Kubabehi irikamu ide.”

Markus 6:11

Ane ara ampu boea au barakau radoko ba au barahe madota mampehadingi lolitami, nipalehi boea iti, hai nitaronta awu au mentaka i palanta bitimi, iti tandana barapi ikamu au mohuru ane Nahukuhe Pue Ala.”

Markus 5:43

Agaiana Nakontohe Yesu, Nauli, “Inee nipopololita apa au hangko mewali ide.” Hai Nauliangaahe, “Nipaande anangkoi ide.”

Matiu 17:9

Pendaulunda hangko i wongko bulu iti, Nauliangaahe Yesu “Inee hampai niuli-uli i hema pea apa au niita inona hangko damani Iko, Ana Manusia rapatuwo hule hangko i kapate.”

Matiu 10:18

Anti peulami Iriko, ikamu ina rahuhu i topoparenta hai i datu-datu. I tempo iti, ina raweikau katepaka mopahawe kana i pepoinalaimi Iriko i lindonda topoparenta hai i tauna au bara manihe moisa Pue Ala.

Matiu 6:1

“Nipamaroa-roa ineekau mobabehi rara mpoagama i lindonda tauna bosa bona raita peakau hangka rangami. Lawi ane nodo babehiami, barakau ina nawati Pue Ala, Umami au ara i suruga.

Matiu 5:17

“Inee nipehangu tunggaiana kamaiNgku ide bona mogeroNa Aturana Pue Ala au nauki Musa hai paturonda nabi hangkoia. Bara mai Kugero. Agaiana MairiNa mopabukei Atura iti.

Yohane 8:50

BaraNa mampopetoia. Naunde Pue Ala bona rapomahileNa, hai Iami au mebotusi.

Yohane 7:18

Tauna au mopahawe paturona haduduana, mohaoki pea bona ratoia. Agaiana tauna au mohaoki bona hema au motuduna ratoia, manotomi tauna iti bara modongko.

Yohane 5:41

BaraNa mampopetoia i manusia,

Lukasi 21:13

I tempo iti, ina raweikau katepaka mopahawe kana i pepoinalaimi Iriko.

Markus 8:30

Hangko inditi, nauliangaahe Yesu, “Inee hampai niuli-uli i hema pea kahemaNgku.”

Matiu 16:20

Roo indo, Nauliangaahe, “Inee hampai niuli i hema pea kaIkona Datu Topehompo.”

Matiu 3:15

Agaiana nahanai Yesu, Nauli, “NuriumoNa. Hintotomi au nubabehi ide bona tapabukei ope-ope peundeana Pue Ala.” Hangko indo, nariu mpuumi.

Markus 13:9

Agaiana ikamu, mainga-ingakau! Lawi ikamu ina rahaka hai raanti lao i topebotusi agama Yahudi. Ina rapopeahi-ahikau i lalu sou penombaa. Anti peulami Iriko, ina rahuhukau i gubernur hai i datu. Indo, ina raweikau tempo mopahawe kana i pepoinalaimi Iriko.

Markus 3:12

Agaiana nakontohe Yesu bona inee mpuu rauli-uli kahemaNa.

Markus 9:9

Pendaulunda hangko i wongko bulu iti, nauliangaahe Yesu, “Inee hampai niuli-uli i hema pea apa au niita inona, hangko damani Iko, Ana Manusia, rapatuwo hule hangko i kapate.”

Lukasi 4:41

Hai ngkaia wori seta au napopeloho Yesu hangko i tauna au napesuangi. Seta au Napopelohohe iti, monganga-ngangahe, rauli, “Kiisami, kaOiona Anana Pue Ala!” Agaiana seta iti nakontohe Yesu. Barahe Napaliu mololita, lawi moisa mpuuhe kaIana Datu Topehompo.

Lukasi 8:56

Tingkara mpuuhe tosaena. Agaiana nakontohe Yesu bona inee rauli-uli i hema pea apa au mewali iti.

Lukasi 9:21

Agaiana nakonto mpuuhe Yesu bona inee hampai rapapahowa i hema pea.