Matiu 8:10 - Sura Malelaha

¹⁰ Tingkarami Yesu mohadi lolitana tadulako surodado iti. Ido hai Napembalilingihe au meula Iria, Nauli, “Mahile mpuu pepoinalaina tauna ide! Kehapiri i to Isaraeli, bara mani ara hadua Kuhumba au mahile pepoinalaina nodo tauna ide au bara to Yahudi.

Matiu 8:10 Referans Kwoze

Lukasi 7:9

Tingkara Yesu mohadi lolitana tadulako iti. Ido hai membalili i tauna bosa au meula Iria, Nauliangaahe, “Mahile mpuu pepoinalaina tauna ide! Kehapiri i to Isaraeli, bara mani ara hadua Kuhumba au mahile pepoinalaina nodo tauna ide.”

Matiu 15:28

Hangko inditi, nauli Yesu, “Mahile mpuu pepoinalaimu! Ina mewali nodo peundeamu.” Tempo iti peami, maoha mpuu anana.

Markus 6:6

Tingkara mpuu Yesu moita kadanda mepoinalai Iria. Roo indo, laomi Yesu molumaohi boea-boea au hungku inditi hai mopaguru tauna.

Lukasi 7:50

Hangko inditi, nauli Yesu i towawine iti, “Anti pepoinalaimu Iriko, tehoremamoko hangko i huku dosamu. Mesulemoko i lalu Roa ngkatuwo.”

Lukasi 5:20

Kanaitana Yesu pepoinalainda, mololitami i topalu iti, Nauli, “Halalu, teampungimi dosamu.”

Matiu 8:9

Kuisa Oio au makuasa mobabehi iti, lawi ide iko, ara wori au i wongkoku, hai ara worihe au kupohawaa. Ane rapana kupohawaa hadua surodado, kuuliangaa, ‘Laoko!’ hangangaa lao. Ane kukakio surodado au ntanina, ‘Maiko!’ hangangaa mai. Ane kuuliangaa hawingku, ‘Babehi iti!’ hangangaa nababehi. Nodo wori Oio Tua, apa au Nuuli inde, itimi au ina mewali i soungku.”

Matiu 8:11

Mewali bona niisa, i lalu poparentaNa Pue Ala, bosa tauna au barahe to Yahudi ina mewali taunaNa. Ina maihe hangko i humalele dunia, mohudahe hai maandehe matana-tana i lalu suruga hihimbela hai Burahima, Isaki hai Yako, toiorunda to Yahudi.

Suro 2:7

Tingkara mpuuhe, hai mololitahe, rauli, “Apari au mewali inde? Bara pae topololita iti to Galilea hahahe?