Matiu 5:42 - Sura Malelaha

⁴² Ane ara au merapi ba apa pea, nuwei woia. Hai inee nupokabohi i hangka rangamu au mampeinao mebolo irio.”

Matiu 5:42 Referans Kwoze

Ibarani 13:16

Ineekau mokabaha babehiami au maroa. Hangangaa motulungikau rangami, lawi itimi popenomba au napokatana Pue Ala.

Roma 12:20

Mewali, nipeulai paturo i lalu Sura Malelaha au manguli: “Ane iwalimi marimi, nipaandehe. Ane mangkadouhe, nipaenuhe. Ane nodo nibabehi, kahopoana ina mewalihe maea.”

Ibarani 6:10

Pue Ala batena manoto. Bagomi au nipobagomi hangko i lalumi au buke ahi bara ina naliu inaoNa. Manoto nipokaahi Pue Ala, lawi bosami belana motulungikau halalumi hampepepoinalai, maroa i tempo au liu, maroa ide-ide.

Yakobu 1:27

Ane mampeinaoke mewali tauna au maroa posaraninta hai au bara ara kamakuranta ba kamasalanta i peitana Pue Ala Umanta, idemi au hangangaa tababehi: motulungike anangkoi au ilu hai tobemba au meahi-ahi tuwonda, hai ineeke moula babehianda tauna au barahe moisa Pue Ala.

Lukasi 11:41

Apa au ara irikamu hangangaa niweihe tauna au meahi-ahi tuwonda. Ane nodo nibabehi, ina mewali mpuukau tauna au malelaha.

Matiu 5:41

Ane hadua surodado mopari-pariko mohalea antiana hakilo kakaraona, nuhaleangaami rokilo kakaraona.