Matiu 4:24 - Sura Malelaha

²⁴ Pobagona Yesu tebambari i ope-ope boea i tampo Siria, alana bosa tauna au mai mampeinaohe mohidupa hai Ia. Tauna iti moantihe ranganda ba halalunda au mantodiha ngkaia pakana hakinda hai kaparinda, au napesuangi seta, au mohaki dungka, hai au palu. Yesu mopakaohahe ope-ope.

Matiu 4:24 Referans Kwoze

Matiu 17:15

“Pue, Nupokaahi woia anangku. Mohaki dungka, hai doko malimpu ane hawe hakina. Bosa belana madungka i lalu api ba i lalu owai.

Matiu 8:6

nauli, “Tua, hawingku rumihi kamahaina i sou. Maturu liliu pearai anti pantodihana.”

Lukasi 5:15

Agaiana nauri nodo lolitana Yesu, bambari iti tehawuka iumba-umba pea, alanda bosa tauna mai i Yesu bona mohadihe lolitaNa hai Napakaohahe hangko i hakinda.

Lukasi 2:2

Poimba tauna au nguru-nguruna ide rapopolumao i tempona Kirenius mewali gubernur i tampo Siria.

Matiu 17:18

Hangko inditi, Yesu mokambaroa seta au mopakasusa anangkoi iti. Moloho mpuumi seta iti. Pelohona seta iti, maoha mpuumi anangkoi iti.

Matiu 15:22

Inditi, ara hadua towawine to Kanaa, au bara to Yahudi. Towawine iti mai i Yesu, hai meraroa, nauli, “Pue, pemuleana Datu Daudi! Pokaahi wongkoia! Anangku towawine napesuangi tokadake, rumihi kamahaina.”

Matiu 12:22

Hangko indo, ara hadua tauna au raanti i Yesu. Tauna iti, bilo, bara peisa mololita, hai napesuangi seta. Napakaohami Yesu alana meita hai peisami mololita.

Suro 10:38

Niisa wori noumba tuntukana Yesu to Nasare au napileimi Pue Ala hai Nawei Inao Malelaha hai kuasa. Iumba pea polumaoaNa, Ia mobabehi apa au maroa lawi naporangai Pue Ala, hai Ia mopakaoha ope-ope tauna au napopeahi-ahi Datu Tokadake.

Suro 15:23

I lalu sura iti, teuki node: “Ikami, surona Pue Yesu hai penatua-penatua hahalalumi hampepepoinalai au arangkai inde, mopakatungkai sura ide irikamu halalu hampepepoinalaingki au barakau to Yahudi i wanua Antiokia hai humalele Siria, hai i propinsi Kilikia. Tabea!

Markus 2:3

Tangana mololita, hawemohe iba tauna mokowahe mai ranganda au palu.

Markus 1:32

Kalumbami, i katampuna alo, ope-ope tomahai hai au napesuangi tokadake raantimohe i Yesu.

Matiu 4:23

Yesu molumao i humalele tampo Galilea hai mepaturo i ope-ope sou penombaa. Ia mopahawe Ngkora Marasa kana i poparentana Pue Ala, hai mopakaoha worihe ope-ope tauna au mahai hai au bara masilolonga watanda.

Suro 15:41

Paulu hai Silas mampolumaongi tampo Siria hai propinsi Kilikia, mopakaroho lalunda to Sarani au ara inditi.

Lukasi 4:14

Roo indo, mesulemi Yesu lao i tampo Galilea, hai Ia nakuasai Inao Malelaha. Bambari kana Iria tehawukami i humalele tampo Galilea.

Markus 1:28

Hangko inditi, bambari kana i Yesu rapahawemi i humalele tampo Galilea.

Matiu 14:1

I tempo iti topoparenta i Galilea, iami Herode Antipas. Nahadi Herode apa au nababehi Yesu,

Yohane 10:21

Agaiana ara wori au manguli, “Bara! Tauna au napesuangi seta bara mololita nodo. Peisa pae seta mopakaoha tauna au bilo?”

Matiu 9:35

Nodomi Yesu mampolumaongi boea-boeana. Ia mepaturo i sou penombaa, mopahawe Ngkora Marasa kana i poparentana Pue Ala. Napakaoha wori ope-ope tauna au mahai hai au bara masilolonga watanda.

Matiu 9:26

Bambari ide tehawuka i humalele tampo iti.

Matiu 8:28

Kahawenda i tampo Gadara i hambali rano, teduumohe rodua tauna au napesuangi seta mampohidupaa Yesu. Ihira hangko i talumba lawi maida-idahe inditi. Tauna au rodua iti rumihi kakadakenda, ido hai barapi ara tauna au bai moliu inditi.

Matiu 8:33

Karaitana tauna au mokampai boe iti apa au mewali i boenda hai apa au mewali i tauna au napesuangi seta iti, melangkamohe lao i boea mopahawe apa au mewali.

Markus 2:4

Barahe peisa lao mohungkuki Yesu lawi sou iti buke tauna. Ido hai mengkahemohe i tuka laohe i wongko sou, rahongkami atu au ara i wongkona Yesu, pane topalu iti raulu sambela hai alena duuna toa i lindona Yesu.

Markus 2:9

Umba au mamura rauli: ‘Teampungimi dosamu,’ ba ‘Pearo, nulolomi alemu, hai molumaomoko.’

Lukasi 4:38

Roo indo, padumi Yesu hangko i lalu sou penombaa, lao i souna Simo Peturu. Pengantina Simo au towawine, rumihi kanapawembena. Ido hai tauna inditi merapihe i Yesu bona Natulungi woia.

Lukasi 5:24

Bona niisa, i dunia ide, Iko, Ana Manusia, makuasaNa moampungi dosa. Ide-ide ina Kupatongawaakau kaarana kuasaNgku moampungi dosa.” Hangko inditi, membalilimi Yesu i topalu iti, Nauliangaa, “Mearomoko, nulolomi alemu, hai mesulemoko!

Suro 8:7

lawi ia mampopeloho seta hangko i bosa tauna au napesuangi, alana meloho mpuuhe seta iti hai monganga-ngangahe. Bosa wori tauna au palu hai au wara bitinda napakaoha Pilipu.

Lukasi 7:17

Bambari iti tehawuka i humalele tamponda to Yahudi hai i ope-ope boea au hungku.

Suro 28:9

Roo indo, ope-ope tauna au mahai i lewuto iti maihe merapi tulungi i Paulu, hai napakaoha hahahe hangko i hakinda.