Matiu 3:7 - Sura Malelaha

⁷ Bosa wori tadulako agama Yahudi au rahanga toParisi hai toSaduki maihe mampoperiu i Yohane. Kanaitanda hawe, nauliangaahe, “Ikamu au motengko babehiami, moapari hai maikau? Ba nipehangu peisakau tekabaha hangko i karumpuna Pue Ala au ina morumpakau?

Matiu 3:7 Referans Kwoze

Matiu 12:34

Ikamu tauna au kadake! Bara mpuukau peisa mohowara lolita au maroa anti kakadakena lalumi. Lawi apa au ara i lalunta, iti wori au mesuwu i humenta.

1 Tesalonika 1:10

Tauna iti mampololita worihe noumba pampegiami kahawena Anana Pue Ala hangko i suruga, iami Yesu au napatuwo hule Pue Ala hangko i kapate. Yesu itimi au mohoremake hangko i karumpuna Pue Ala au ina morumpa tauna au barahe mepoinalai Iria.

Roma 1:18

Hangko i suruga Pue Ala mopatongawa karumpuNa i ope-ope tauna au madosa, maroa i pekirinda ba i babehianda au kadake, lawi hinangka babehia kadake ina mohomboki tauna mampeulai paturo au manoto kana i Pue Ala.

Matiu 23:33

Topodongkokau! Motengko lalumi! Ba nipehangu ina tekabahakau hangko i karahukumi i lalu naraka?

Roma 5:9

Mewali ide-ide, manotomoke i peitana Pue Ala, lawi Yesu matemi mohuru dosanta. Ido hai taisa katekabahantami hangko i karumpuna Pue Ala i alo pebotusi anti kanaperuruintami Yesu Kerisitu.

Matiu 22:23

I alo iti wori, arahe bahangkia toSaduki au hawe i Yesu. Tosaduki iti, iami tadulako agama Yahudi au manguli tauna au mate bara ina rapatuwo hule.

Matiu 16:6

“Maroa-roakau, hai mainga-ingakau i raginda toParisi hai toSaduki!”

1 Yohane 3:10

Idemi au mopatongawa kahemana au napoana Pue Ala hai kahemana au napoana Datu Tokadake: ope-ope tauna au bara mobabehi apa au manoto, barahe napoana Pue Ala. Nodo wori, ope-ope tauna au bara mampokaahi halalunda, barahe napoana Pue Ala.

Yohane 9:40

Arahe bahangkia toParisi inditi au mohadi lolitana Yesu, rauliangaa, “Ba Nuuli bilo woringkai?”

Ibarani 11:7

Anti pepoinalaina, Noho mengkoru i hawana Pue Ala. Pue Ala mouliangaa kaina arana owai meumbala au molaboa dunia. Mewali, kehapiri bara mani naita pewalina, hawana Pue Ala napeulaimi hai nababehimi duanga mahile bona ia hai towawinena hai anana bara mate maliso. Ope-ope tauna i dunia rahuku, agaiana Noho anti pepoinalaina, ia Naimba Pue Ala manoto i peitaNa.

Suro 26:5

Mahaemi raisa to Yahudi babehiangku. Ane raunde, peisahe mopatuntu lolitakana katuwongku. Ide iko tuwona moula paturonda toParisi au rumihi poulanda ope-ope ada agamanda to Yahudi.

Suro 15:5

Agaiana ara worihe bahangkia toParisi au mepoinalaimohe i Yesu meangkahe mololita, rauli, “Tauna au barahe to Yahudi au mepoinalai i Yesu, hangangaa ratile hai ratuduhe mampeulai Aturana Musa!”

Suro 5:17

I tempo iti, Tadulako Mpenomba Mahile hai rangana au mampeulai paturonda toSaduki, mahina mpuuhe i surona Pue Yesu. Ido hai rapepongkami tunggaianda.

Yohane 8:44

Umami iami Datu Tokadake! Hai nipeinao moula liliu peundeana umami iti. Hangko i nguru-nguruna ia topepapatemi. Paturona bara tou, lawi bara ara au tou iria. Ane modongko, itimi poantina, lawi ia topodongko mpuu, hai ope-ope tauna au modongko moulahe peundeana.

Yohane 1:24

Rauli mbuli suronda toParisi iti, “Ane barako Datu Topehompo, barako nabi Elia, hai bara woriko nabi au radandi, moapari pane baiko moriu tauna?”

Lukasi 18:11

Toparisi iti meangka hai mekakae, nauli, ‘Pue Ala, kuuli ngkaia kamaroana Irio, lawi barana nodo tauna ntanina au manangka, au motengko lalunda, hai au mebualosi. Kuuli ngkaia kamaroana Irio lawi barana nodo olou toperuru asele.

Lukasi 16:14

Karahadina toParisi lolitana Yesu, raele-eleri, lawi mohahaoki peahe doi.

Lukasi 7:30

Agaiana toParisi hai guru-guru agama mosapuakahe tunggaiana Pue Ala irihira, lawi barahe mampoperiu i Yohane.

Markus 12:18

Roo indo, arahe bahangkia toSaduki au hawe i Yesu. (ToSaduki iti iamohe tadulako agama Yahudi au barahe mampoinalai katuwo hulenda tomate.)

Markus 12:13

Hangko inditi, tadulakonda to Yahudi motudumohe bahangkia toParisi hai taunana Datu Herode lao i Yesu. Tunggaianda, rapeinao mopakanawo Yesu hai pekunenda.

Markus 8:15

Yesu mopahawe lolita ide irihira, Nauli, “Maroa-roakau, hai mainga-ingakau i raginda toParisi hai ragina Datu Herode!”

Matiu 22:34

Tosaduki iti, barapi rabuku mohanai Yesu. Ido hai toParisi, teruhu mbulimohe mohaoki rara moakalangi Yesu.

Matiu 22:15

Roo indo, padumohe toParisi hangko i Souna Pue Ala. Mohaokihe akalanda lawi rapeinao molambi kamasalana lolitana Yesu hai pampekunenda.

Matiu 12:24

Karahadina toParisi lolitanda, rauli, “KuasaNa iti hangko i Beelsebul, datunda ope-ope seta. Ido hai peisa mampopeloho seta.”

Matiu 5:20

Mewali, Kuuliangaakau, ane niunde bona mewalikau taunana Pue Ala, hangangaa nipeulai peundeaNa, hai peulami hangangaa meliu hangko i peulanda guru agama hai toParisi.”

Ibarani 6:18

Ane Pue Ala mopahawe dandiNa, bara modongko. Nodo wori ane Ia mohowara sumpaNa, bara modongko. Lolita au rompaka iti bara ara katebaliana. Pue Ala modandi hai mosumpa bona maroho lalunta. Hai ikita ide, mopalehimoke katuwonta hai dosanta hangkoia bona tapegia apa au Nadandiake.

Matiu 15:12

Hangko inditi, maimohe topeguruNa, mouliangaa, “Bara pae Nuisa kakoina inaonda toParisi mohadi lolitaMu inona?”

Matiu 16:1

Hangko inditi, bahangkia toParisi hai toSaduki hawe i Yesu mohaoki kanawoaNa. Merapihe i Yesu, rauliangaa, “Nubabehiangkai tanda kuasa bona tongawa irikami kahangko i Pue AlaMu.”