Matiu 3:16 - Sura Malelaha

¹⁶ Karoona Yesu rariu, mesoremi hangko i lalu owai. Unga pea tebungkahi langi, hai Ia moita Inaona Pue Ala nodo tadasi manggebodo mendaulu Iria.

Matiu 3:16 Referans Kwoze

Markus 1:10

Pesorena Yesu hangko i owai, Naitami langi tebungkahi hai Inao Malelaha nodo tadasi manggebodo mendaulu Iria.

Suro 7:56

Nauli Setepanu, “Peita! Kuita langi tebungkahi hai Ana Manusia meangka ntanda i koanana Pue Ala!”

Yohane 3:34

Lawi Iami au natudu Pue Ala mohowara NgkoraNa, hai Pue Ala mowei Inao Malelaha Iria au bara ara hokana.

Yohane 1:51

Roo indo, nauli mbuli Yesu, “Tou mpuu lolitaNgku ide: ina niita langi tebungkahi hai malaekana Pue Ala mendaulu mengkahe mai Iriko, Ana Manusia.”

1 Yohane 5:6

Yesu Kerisitu iami Anana Pue Ala au mai i dunia. Iami au rariu hai au rapapate. Mewali, kamaiNa i dunia ide, bara pea rariu, agaiana rapapate wori. Hai Inao Malelaha mopakanoto Yesu iami Anana Pue Ala, hai apa au nauli Inao Malelaha iti, batena mpuu tou.