Matiu 28:17 - Sura Malelaha

¹⁷ Inditi, moita mpuumohe Yesu, hai menombahe Iria. Agaiana ara wori au bata-bata mani lalunda.

Matiu 28:17 Referans Kwoze

Yohane 5:23

Ia mobabehi nodo bona rabilaNa ope-ope tauna nodo pebilanda i UmaNgku. Hema au baraNa mobila, bara worihe mobila UmaNgku au motuduNa.

Matiu 28:9

Bila-bila Yesu hawemi i olonda towawine iti, hai Natabehe. Maimohe hungku-hungku, mokalapui bitiNa hai menomba Iria.

Matiu 16:28

Nipehadingi maroa apa au Kuuliangaakau ide: arakau inde au bara ina mate hangko damani moita, Iko Ana Manusia, hawe nodo Datu.”

1 Korintu 15:6

Hangko inditi, mopatongawa mbulimi i lindonda topeulaNa au lima atuna labi. Tauna iti kabosanda tuwo manihe ide-ide, agaiana aramohe bahangkia au mate.

Markus 16:13

I pesulenda hule i Yerusale tauna au rodua iti, mopahawe worihe i ranganda apa au mewali. Agaiana bara worihe rapoinalai.

Markus 16:14

Hangko inditi, Yesu mampatongawa worimi i topeguruNa au hampulo hai hadua au tanganda maande. Nakambaroahe lawi makura pepoinalainda hai matua lalunda. Lawi barahe mampoinalai lolitanda tauna au moitamohe Yesu au tuwo hulemi.