Matiu 27:29 - Sura Malelaha

²⁹ Rababehimi hambua songko hangko i daangkau au modui, hai rasongkoia. Rawei wori hambua lai au rawoli i taie koanaNa nodo lai au nakingki datu, hai molingkudumohe i lindoNa, rauli, “KibilaKo, datunda to Yahudi!”

Matiu 27:29 Referans Kwoze

Matiu 20:19

Roo indo, ina rahuhuNa i tauna au barahe to Yahudi bona rakakabosaiNa, rapapahaiNa, hai rapapateNa i kau mombehape. Agaiana i alo katalu, ina tuwo huleNa.”

Markus 15:18

Roo indo, rapopowoo-woomi, rauliangaa, “KibilaKo, datunda to Yahudi!”

Matiu 27:37

I kau popakua i wongko waaNa, rapopatakai pata. I pata iti, teuki apa au rasalaia Yesu node: IDEMI YESU DATUNDA TO YAHUDI.

Matiu 26:49

Mewali, kahawenda inditi, laomi Yudasi mampohidupaa Yesu, nauli, “Ngkaia tabea, Guru!” hai naangki.

Markus 15:17

Yesu rabadui hantau badu au malentoro nodo badu datu. Hangko inditi, rababehimi hambua songko hangko i daangkau au modui au nodo songko datu, hai rasongkoia.