Matiu 26:51 - Sura Malelaha

⁵¹ Inditi, hadua topeguruNa au ara hihimbela hai Yesu mowukami pihona mobata hawina Tadulako Mpenomba Mahile, kana talingana pane maingihi.

Matiu 26:51 Referans Kwoze

2 Korintu 10:4

Kuasa-kuasa au kipopobundu i lalu pobagongki bara kuasa hangko i manusia agaiana kuasa hangko i Pue Ala. Hai kuasa iti kipake mogero bentenda iwalingki hai kipake moewa tauna au mosapuaka paturo au tou.

Yohane 18:36

Nauli Yesu, “Iko, baraNa nodo datu au moparenta i dunia ide. Ane kenodoNa datu i dunia ide, tauna au meula Iriko kehangangaa meewahe bona ineeNa rahaka hai rahuhu i tadulakonda to Yahudi. Agaiana baraNa datu au hangko i dunia ide.”

Markus 14:47

Hangko inditi, hadua tauna au meangka hungku i Yesu mowuka pihona mobata hawina Tadulako Mpenomba Mahile, kana talingana pane maingihi.

Matiu 26:35

Nauli Peturu, “Kehapirina mate hihimbela hai Oio, bara mpuu ina kusapuaka kakuisaMu!” Nodo wori pololitanda topeguruNa ntanina.

Lukasi 9:55

Agaiana Yesu membalili irihira, hai Nakambaroahe.