Matiu 23:4 - Sura Malelaha

⁴ Ihira mopahaleangiahe tauna bosa parenta hai ada agama au mantimi, agaiana bara mpuuhe motulungi tauna bosa mampeulai parenta hai ada iti.

Matiu 23:4 Referans Kwoze

Lukasi 11:46

Mehana Yesu, “Hurewu worimokau guru agama! Lawi ikamumi au mopahaleangia tauna bosa hai parenta hai ada agama au mantimi, agaiana bara niunde motulungihe. Mogalori hangkau karawemi bara nipake modureihe.

Suro 15:10

Mewali, halalu-halalu, moapari hai nipeinao mopaara karumpuna Pue Ala? Moapa hai nipeinao mopakasusahe hai ngkaia parenta au mapari hai palia au mantimi ntepuu? Mepongka i toiorunta hangkoia hawe irikita ide-ide, bara tabuku mampeulai ope-ope parenta hai palia iti!

Galatia 6:13

Katouana tauna au mampeulai ada mpetile iti, barato worihe mampeulai ope-ope Aturana Musa. Tunggaianda mopari-parikau ratile bona rapomahilehe anti kanipeulaina hawanda iti.

Matiu 23:23

Hurewumokau, guru agama hai toParisi! Maroa i raoa peakau! Parenta au koi nipeulai haha. Mogalori tuda-tuda au koi i tabangaami nodo hare, suderei hai bunga-bunga i bondemi, nipopenomba hangkira hampulo i Pue Ala. Agaiana parenta mahile nodo kahintimba, pepokaahi hai kamatundu bara nipopolumao. Katouana itiri au hangangaa nipeulai, hai inee worikau mokoi parenta au ntanina.

Pampetudungia 2:24

Agaiana arakau hanggaa i Tiatira au bara mampeulai paturo au kadake iti, hai bara niunde mampegurui au rauli, ‘Kapangisana Datu Tokadake au tewuniangi’. Mewali Kuuliangaakau, barapi ina Kutambai haleami hai parenta ntanina.

Suro 15:28

Halalu, idemi pobotusi au napokana Inao Malelaha, hai au kipokana wori. Kiuliangaakau bona ineekau rapakasusa hai mampopengaa parenta. Batena ide pea au paraluu kipahaweakau:

Matiu 23:3

Ido hai hangangaa nipeulai hinangkana apa au rapaturoakau. Agaiana inee nipeulai babehianda, lawi ihira iti barahe mampeulai apa au rapaturoakau.

1 Yohane 5:3

Lawi ane mampokaahike Pue Ala, lempona mampeulaike hawaNa. Hai hawaNa iti, bara mapari,