Matiu 23:39 - Sura Malelaha

³⁹ Tou mpuu au Kuuliangaakau, barapoNa niita duuna hawe tempona niuli: ‘Rawatimi tauna au mai i lalu hangana Pue!’ ”

Matiu 23:39 Referans Kwoze

Matiu 21:9

Bosa tauna au meula i Yesu, arahe au moioru, ara worihe au i boko. Mogee-gee liliuhe, rauli, “Tetoiami pemuleana Datu Daudi! Rawatimi tauna au mai i lalu hangana Pue! Tetoiami Pue Ala au indora i suruga!”

Roma 11:25

Halalungku hampepepoinalai! Kupeinao mouliangaakau apa tunggaiana Pue Ala au bara raisa tauna hangkoia. Kuuliangaakau ide bona ineekau mampemahile. Bona niisa: ide-ide hanggaa to Yahudi matua lalunda agaiana iti bara mahae, duuna handa kabosanda tauna au barahe to Yahudi au mepoinalai i Yesu hintoto hai tunggaiana Pue Ala.

Yohane 8:56

Ane Burahima toiorumi, matana laluna lawi naisa kaina naitaNgku i alo kahaweaNgku, hai naitami kahaweNgku hai matana mpuu.”

Yohane 8:24

Ido hai Kuuliangaakau inona, ina matekau i lalu kamadosami. Ane bara nipoinalai lolitaNgku au manguli Ikomi au rauli ‘IKO ARA’, batena mpuukau mate i lalu kamadosami.”

Yohane 8:21

Nauli mbuli Yesu i tadulakonda to Yahudi, “Ina paduNa, hai ina nihaoki liliuNa, hai matekau i lalu kamadosami lawi nisapuakamoNa. Mewali i kalaoaNgku barakau peisa hawe.”

Lukasi 17:22

Roo indo, nauli Yesu i topeguruNa, “Hambela tempo, ina nipeinao mpuuNa niita, agaiana baraNa ina niita.

Yohane 14:19

Hampalai pearai, barapoNa ina raita tauna i dunia. Agaiana ikamu, ina niitaNa hai ina tuwokau, lawi Iko, tuwoNa.

Yohane 14:9

Nauli Yesu, “Bara maniNa pae nuisa, Pilipu? Mahaemoke hihimbela! Hema au moitaNa, moita wori UmaNgku. Mewali, moapari hai nuperapi bona Kutudungiakau UmaNgku?