Matiu 16:4 - Sura Malelaha

⁴ Kadake mpuukau! Mosapuaka liliukau Pue Ala! Niperapi bona Kupopaitaakau tanda kuasa. Agaiana bara ara tanda kuasa au ina rapopaitaakau. Au ina rapopaitaakau, batena pea tanda nodo au mewali i nabi Yunu hangkoia.” Roo indo, Napalehimohe.

Matiu 16:4 Referans Kwoze

Markus 8:38

Maidakau i olonda tauna au kadake hai au bara meula Iriko. Mewali hema au maea mopangaku peulana Iriko hai mampokaea paturoNgku, ina Kupokaea wori mopangaku kaiana topeulaNgku ane hawe suleNa hangko i suruga. I tempo iti, Iko, Ana Manusia, ina mendaulu mai hangko i suruga hihimbela hai malaeka au malelaha, hai ina meawaNa anti kuasana UmaNgku.”

Markus 8:12

Kanahadina Yesu lolitanda, meraroami i laluNa, Nauli, “Moapari tauna au tuwo tempo ide mamperapi tanda kuasa? Kuuliangaakau, barakau ina Kupopaitaa tanda kuasa nodo au niperapi.”

Suro 18:6

Agaiana to Yahudi i wanua Korintu mosapuaka hai mopakoi liliuhe paturona. Ido hai Paulu motaronta awu hangko i hampina hai nauliangaahe, “Ane nahukukau Pue Ala, barapi iko au mohuru! Batenami ikamu! Mewali mepongka ide-ide, kupalehimokau, laomona mobambari Ngkora Marasa i tauna au barahe to Yahudi!”

Suro 2:40

Bara iti pea au nauli Peturu, agaiana ngkaia mani au napololita. Ia mopaturohe tauna bosa hai napopaingaahe, nauli, “Menosomokau! Ineekau mampeulai tauna au kadakehe ide bona datikau molambi pehukuna Pue Ala au ina morumpahe!”

Matiu 16:5

Laomohe Yesu hai topeguruNa moweta rano, agaiana topeguruNa bara mokatuinao moanti bakunda. I tempo iti, Yesu mopahaweahe lolita ide,