Matiu 15:13 - Sura Malelaha

^13-14 Nahanai Yesu, “Pogiangaamohe toParisi iti padu! Ihira nodohe tuda-tuda au bara natuda UmaNgku au ara i suruga, hai batenda rawuka. Toparisi iti nodohe tadulako au bilo, lawi barahe moisa rara au manoto lao i Pue Ala. Hai ane hadua tobilo monini hangka tobilona, batena ina manawohe rorodua i kalolu.”

Matiu 15:13 Referans Kwoze

Yohane 15:2

Ope-ope daa au tuwo Iriko au bara mowua, Nakadiri. Hai ope-ope daa au tuwo Iriko au mowua, Napakabaa hai Nakadipura bona tetambai powuana.

Yohane 15:6

Hema au bara mohintuwu liliu hai Iko batenda ratende, nodo karatendena daa au rabohoki duuna mewali bangi. Daa iti, ragulu hai rahuwe.

1 Korintu 3:9

Ikami hampopobago peangkai i lalu bagona Pue Ala, hai ikamu, halalu, peisakau rapandiri nodo bondena Pue Ala. Ikamu peisa worikau rapandiri nodo souna Pue Ala.

Matiu 15:12

Hangko inditi, maimohe topeguruNa, mouliangaa, “Bara pae Nuisa kakoina inaonda toParisi mohadi lolitaMu inona?”

Yohane 15:1

Tanganda molumao, mololitami Yesu, nauli, “Iko idemi patoa anggoro au tou, hai UmaNgku iami topokadipura anggoro.

Yudasi 1:12

I pogulu-guluami, guru au mepakanawo iti maandehe hihimbela hai ikamu nodo rangami, agaiana mepakaea mpuu babehianda. Ane moguluhe hihimbela hai ikamu, mehioro mpuuhe hai mampekiri peahe watanda. Ihira nodo gawu au nawui himburu agaiana bara mopaara uda. Ihira nodo kau au bara maroa: ane hawe tempo powua, bara ara wuana. Ido hai rawuka peami alana bangi.