Matiu 14:2 - Sura Malelaha

² ido hai nauliangaahe topobagona, “Yesu iami Yohane Toperiu au tuwo hule hangko i kapate. Ido hai ara kuasaNa mobabehi tanda au metingkarai.”

Matiu 14:2 Referans Kwoze

Matiu 16:14

Rahanai topeguruNa, rauli, “Arahe au manguli kaOiona Yohane Toperiu au tuwo hule. Ara worihe au manguli Oio hadua nabi au tuwo hule, nodo nabi Elia, nabi Yeremia, ba nabi au ntanina.”

Yohane 10:41

Bosahe tauna lao mampohidupaa Yesu. Rauli tauna iti, “Yohane bara mobabehi tanda kuasa. Agaiana ope-ope au napahawe kana i Yesu mewali hahami.”

Markus 8:28

Rahanai topeguruNa, “Arahe au manguli Yohane Toperiu au tuwo hule. Ara worihe au manguli nabi Elia. Ara worihe au manguli Oio hadua nabi au tuwo hangkoia.”

Matiu 11:11

Nauli mbuli Yesu, “Bona niisa, hangko i ope-ope tauna au rapoanaka i dunia ide, bara ara hadua au meliu kamahilena tuwona hangko i Yohane Toperiu. Agaiana mepongka ide-ide, morasi mpuuhe tauna au mengkoru i Pue Ala. Mogalori hadua tauna au tepakoi tuwona i lalu poparentana Pue Ala, mahile tuwona pane Yohane.

Matiu 3:1

I tempo iti, maimi hadua tauna au rahanga Yohane Toperiu. Ia lao i pada wungi i tampo Yudea, hai mepongka mobambari Ngkorana Pue i tauna bosa,

Markus 6:14

I tempo iti, Datu Herode Antipas mohadi apa au nababehi Yesu, lawi tebambarimi hangaNa iumba-umba pea. Ara au manguli, “Yesu iami Yohane Toperiu au tuwo hule hangko i kapate! Ido hai ara kuasaNa mobabehi tanda kuasa au metingkarai.”

Lukasi 9:7

I tempo iti, Herode Antipas au moparenta i Galilea. Ia mohadi ope-ope au nababehi Yesu, ido hai wuli laluna. Lawi ara au manguli, “Yesu iami Yohane Toperiu au tuwo hule.”