Matiu 12:26 - Sura Malelaha

²⁶ Nodo wori i kadatua seta. Ane Datu Tokadake mampopeloho hangka tokadakena, lempona seta moewa hangka setana, alana magero kadatuanda seta iti.

Matiu 12:26 Referans Kwoze

Kolose 1:13

Ia mokabahamoke hangko i kuasa au makaindi, hai Napopewalimoke taunaNa i lalu poparentana AnaNa au Napokaahi.

1 Yohane 5:19

Hai taisami: ikita ide napoanamoke Pue Ala, hai ope-ope dunia ide nakuasai Datu Tokadake.

Pampetudungia 16:10

Malaeka au kalima mobumbuhami ihi pambolia karumpuna Pue Ala i kadera kadatuana binata au kadake iti. I humalele kadatuana, unga pea makaindi, hai ope-ope tauna mokekimohe dilanda anti pantodihanda.

Pampetudungia 12:9

Mewali, naga au mahile iti, ratende hangko i suruga hawe i dunia hihimbela hai malaekana. Iami ile au arami hangkongkoia, au rahanga Datu Tokadake ba Tadulako Seta. Ia au mopakanawo tauna au maida i humalele dunia.

Pampetudungia 9:11

Ara datunda au moparentaihe. Datunda iti, iami malaeka au mokampai kabe ngkapate. Hangana i lalu basa Ibarani, iami Abadon. I lalu basa Yunani, Apolion. Lempona, Topegero-gero.

2 Korintu 4:4

Napawulihe Datu Tokadake au mokuasai dunia ide datihe mampoinalai Ngkora Marasa. Kuasa Ngkora Marasa bara mopamabaa lalunda. Mewali, barahe moisa peawana tuwona Kerisitu au mopatongawa peawana Pue Ala.

Yohane 16:11

Hai Ia ina mopakanoto wori kanahukunda Pue Ala tauna au madosa, lawi Datu Tokadake au mokuasai dunia ide rahukumi.

Yohane 14:30

Barapi ngkaia katepakaNgku mololita hai ikamu, lawi ina hawemi Datu Tokadake. Ia au mokuasai dunia ide, agaiana bara makuasa Iriko.

Yohane 12:31

Ide-ide hawemi tempona Pue Ala hangangaa mobotusi ope-ope manusia i dunia. Hai hawe worimi tempona Datu Tokadake au mokuasai dunia ide hangangaa ranawo.

Matiu 4:10

Nahanai Yesu, “Peloho Tokadake! Lawi i lalu Sura Malelaha teuki node, ‘Hangangaa menombako i Ampumu, Pue Ala. Batena pea Ia au hintoto nupengkorui.’ ”

Matiu 9:34

Agaiana toParisi, barahe mampoinalai kahangko i Pue Alana kuasana Yesu, rauli, “Tauna iti mopake kuasa hangko i datu seta, ido hai peisa mampopeloho seta.”

Matiu 13:19

Tinuda au manawo i tanga rara lempona tauna au mampehadingi mpuu bambari kana i poparentana Pue Ala, agaiana barahe moisa lempona. Hawemi Datu Tokadake morampaki ngkora iti hangko i lalunda.