Matiu 12:24 - Sura Malelaha

²⁴ Karahadina toParisi lolitanda, rauli, “KuasaNa iti hangko i Beelsebul, datunda ope-ope seta. Ido hai peisa mampopeloho seta.”

Matiu 12:24 Referans Kwoze

Markus 3:22

Ara worihe guru agama to Yahudi au hawe hangko i Yerusale. Rauli guru agama iti, “Ia napesuangi Beelsebul, datu seta. Datu seta itimi au mowei kuasa mampopeloho seta.”

Matiu 9:34

Agaiana toParisi, barahe mampoinalai kahangko i Pue Alana kuasana Yesu, rauli, “Tauna iti mopake kuasa hangko i datu seta, ido hai peisa mampopeloho seta.”

Lukasi 11:15

Agaiana ara worihe tauna au manguli, “KuasaNa iti hangko i Beelsebul, datu seta. Ido hai peisa mampopeloho seta.”

Matiu 9:32

Kapadunda tobilo iti, raanti wori i Yesu hadua tauna au mahai. Tauna iti bara peisa mololita lawi napesuangi seta.

Matiu 10:25

Apa au mewali i hadua guru, iti wori au ina mewali i topeguruna. Apa au mewali i hadua tuana, iti wori au ina mewali i hawina. Maroa-roakau, lawi Iko, Ampumi, hai ikamu, topeguruNgku. Mewali, ane rapana Iko rahanga Beelsebul, datunda ope-ope seta, pelumbunami ikamu au meula Iriko. Ina rakakabosai worikau.”

Lukasi 11:14

Hambela tempo, ara hadua tauna au raanti i Yesu. Tauna iti napesuangi seta, hai bara peisa mololita. Yesu mampopeloho seta iti hangko i watana, alana peisa mololita. Mewali tingkaramohe tauna bosa.