Matiu 12:14 - Sura Malelaha

¹⁴ Ido hai padumohe toParisi hangko i sou penombaa, hai mohaokihe rara mopapate Yesu.

Matiu 12:14 Referans Kwoze

Yohane 11:53

Mepongka alo iti, tadulakonda to Yahudi mohawamohe bona Yesu rapapate.

Yohane 10:39

Karahadina to Yahudi lolitana Yesu, rapetandaka mbulimi mohaka Yesu, agaiana bara mani mala.

Yohane 5:18

Hangko inditi, tadulakonda to Yahudi mohaoki liliuhe rara mopapate Yesu. Mobabehihe nodo i Yesu, bara pea anti poliungiNa ada i Alo Pengkarooangaa, agaiana lawi Nauli wori Pue Ala iami UmaNa; lempona, Ia mopahimbela wataNa hai Pue Ala.

Lukasi 6:11

Hangko indo, rumpu ntepuumohe guru agama hai toParisi. Ido hai mogombomohe mohaoki akala, ba apa au ina rababehi i Yesu.

Markus 3:6

Padumohe toParisi hangko i sou penombaa, hai laohe moteruhu hai taunana Datu Herode. Mohaokihe rara bona mopapatehe Yesu.

Matiu 26:4

Mogombomohe, rauli, “Noumbami raranta mohaka Yesu bona rapapate?”

Yohane 11:57

Nodo lolitanda tauna bosa, lawi kapala-kapala tadulako mpenomba hai toParisi mampopesuwumohe parenta i tauna bosa au manguli, “Hema-hemakau au moisa kaiumbana Yesu, hangangaa niuliangaangkai bona rahaka.”

Matiu 27:1

Madondo-dondo, ope-ope kapala tadulako mpenomba hai totosaenda to Yahudi mobotusi, Yesu hangangaa rahuku mate.

Markus 14:1

Rongalo rai ina hawe Alo Posusa Pasa hai Posusa Roti Au Bara Raragii. I tempo iti, kapala-kapala tadulako mpenomba hai guru agama mohaoki rara mohaka ngkandii Yesu bona rahuhu rapapate.

Lukasi 22:2

I tempo iti, kapala-kapala tadulako mpenomba hai guru-guru agama mohaokihe rara mopapate ngkandii Yesu, lawi mampokalangahe tauna bosa.

Yohane 7:30

I tempo iti, rapeinaomi mohaka Yesu, agaiana bara ara au bai mokingki, lawi bara mani hawe tempoNa.

Yohane 7:32

Arahe bahangkia toParisi au mohadi pombekakaneninda tauna bosa kana i Yesu. Ido hai ihira hai kapala-kapala tadulako mpenomba motudumohe bahangkia topokampai Souna Pue Ala lao mohaka Yesu.

Yohane 7:44

Arahe au mampeinao mohaka, agaiana bara ara au bai mokingki.

Yohane 8:59

Karahadina to Yahudi lolitaNa iti, motimamohe watu rapeinao mowatui Yesu. Agaiana Yesu padu ngkandii hangko i Souna Pue Ala hai barapi raita.

Yohane 10:31

Pohadinda lolitana Yesu, to Yahudi iti motimamohe watu, rapeinao mowatui Yesu bona mate.