Matiu 11:3 - Sura Malelaha

³ “Ba Oio mpuumi Datu Topehompo au nadandi Pue Ala? Ba ara mani au ntanina kipegia?” Lao mpuumohe topeguruna Yohane mopahawe pampekunena iti i Yesu.

Matiu 11:3 Referans Kwoze

Yohane 11:27

Nauli Marta, “Io, Pue, kupoinalai kaOionami Datu Topehompo, Anana Pue Ala au ina mai i dunia.”

Ibarani 10:37

Barapi mahae, ina tepabukei Ngkorana Pue Ala au manguli: “Au ina mai batena mai, KahaweNa bara ina molia-lia.

Yohane 7:31

Agaiana arahe bosa tauna i olonda au mepoinalai Iria, rauli, “Datu Topehompo mpuu, lawi ngkaiami tanda kuasa au Nababehi.”

Yohane 6:14

Karaitana tauna bosa tanda kuasa iti, mololitamohe hadua hai hadua, rauli, “Ia mpuumi nabi au radandi hangkoia, au rauli ina mai i dunia!”

Yohane 16:14

Ia ina mampopeawaNa, lawi lolita au Nadoko hangko Iriko, itimi au Napahaweakau.

Yohane 12:13

Mangalamohe tawe harao, hai laohe modupa Yesu. Monganga-nganga liliuhe, rauli: “Tetoiami Pue Ala! Rawatimi tauna au mai i lalu hangana Pue! Pue Ala mowati Datunda to Isaraeli!”

Yohane 4:21

Nauli Yesu, “Ina, nupoinalai lolitaNgku ide: ina hawe tempona, bara i Yerusale tauna menomba i Pue Ala, hai bara wori i bulu ide.

Lukasi 19:38

Monani-nanihe, rauli, “Rawatimi Datu au mai i lalu hangana Pue! Maroa hulemi pohintuwuta hai Pue Ala. Tetoiami Pue au i suruga!”

Matiu 21:9

Bosa tauna au meula i Yesu, arahe au moioru, ara worihe au i boko. Mogee-gee liliuhe, rauli, “Tetoiami pemuleana Datu Daudi! Rawatimi tauna au mai i lalu hangana Pue! Tetoiami Pue Ala au indora i suruga!”

Matiu 21:5

“Uliangaahe ampu boea Sion i Yerusale: Peita, oloumi mai Datumi! Ia mengkaiwoi, mesawi i hambaa kalide. Ia mesawi i hambaa kalide au mangura mani.”

Matiu 11:4

Kanahadina Yesu pekunenda, Nauliangaahe node, “Mesulemokau, hai nipetumbuia Yohane apa au nihadi hai au niita:

Matiu 11:10

Lawi Yohane iti au natunggai i lalu Sura Malelaha hangkoia. Nauli Pue Ala i AnaNa: ‘Idemi suroNgku, au ina Kutudu moioru hangko Irio, bona mopasilolonga raraMu.’ ”