Matiu 11:18 - Sura Malelaha

¹⁸ Lempona: Yohane Toperiu bara niunde. Iko wori, baraNa niunde. Kamaina Yohane, ia mopuasa hai bara moenu anggoro. Nisapuaka liliu, niuli node, ‘Ia napesuangi seta!’

Matiu 11:18 Referans Kwoze

Lukasi 1:15

Ia ina mewali tauna au mahile tuwona i peitana Pue Ala. Ia bara ina maenu apa au melangui. Hai mepongka i karapoanakana, ina nakuasai Inao Malelaha.

Matiu 3:4

Hampina Yohane rababehi hangko i wulu onta. Pampouna hangko i koli. Paandena kakomba hai tinaha.

Yohane 10:20

Bosahe au manguli, “Napesuangi wei seta hai magila! Barapi paraluu tapehadingi lolitaNa.”

Yohane 8:48

Rauli to Yahudi, “Tou mpuu au kiuli! NodoKo to Samaria au napesuangi seta.”

Yohane 7:20

Rauli tauna bosa, “Ba napesuangiKo pae! Hemari au mampeinao mopapateKo?”

Matiu 10:25

Apa au mewali i hadua guru, iti wori au ina mewali i topeguruna. Apa au mewali i hadua tuana, iti wori au ina mewali i hawina. Maroa-roakau, lawi Iko, Ampumi, hai ikamu, topeguruNgku. Mewali, ane rapana Iko rahanga Beelsebul, datunda ope-ope seta, pelumbunami ikamu au meula Iriko. Ina rakakabosai worikau.”

1 Korintu 9:27

Hai kulati watangku bona mantahana, hai morempeki worina peundeana lalungku. Bara kuunde ane roo kupahawe Ngkora Marasa i tauna ntanina, ikomi au bara molambi parasee.

Suro 26:24

Tangana mani Paulu mopahawe notona, mongangami Festus, nauli, “Magilako Paulu! Kapandemu iti au moantiko magila.”

Matiu 9:34

Agaiana toParisi, barahe mampoinalai kahangko i Pue Alana kuasana Yesu, rauli, “Tauna iti mopake kuasa hangko i datu seta, ido hai peisa mampopeloho seta.”

Matiu 11:17

rauli, ‘Kipotulaliakau, agaiana barakau motaro-taro. Kipandawiakau, agaiana barakau moteria.’

Markus 3:22

Ara worihe guru agama to Yahudi au hawe hangko i Yerusale. Rauli guru agama iti, “Ia napesuangi Beelsebul, datu seta. Datu seta itimi au mowei kuasa mampopeloho seta.”

Yohane 8:52

Rauli to Yahudi, “Ide-ide kiisa napesuangi mpuukowei! Burahima, matemi. Nodo wori ope-ope nabi hangkoia, matemohe. Agaiana Nuuliri hema au mampeulai lolitaMu barahe ina mate i hae-haena.