Matiu 1:21 - Sura Malelaha

²¹ Maria ina moana hadua tobalilo. Anangkoi iti, hangangaa nuhanga ‘Yesu’, lawi Ia au ina mohorema taunaNa hangko i dosanda.”

Matiu 1:21 Referans Kwoze

Suro 13:23

Hangko i pemuleana Daudi, Pue Ala moangkaake hadua Datu nodo au Nadandi hangkoia. Datu iti iami Yesu, Datu Topehorema.

Suro 4:12

Hangko inditi, nauli mbulimi Peturu, “Bara ara rara ntani molambi katuwo maroa hangko i Pue Ala, batena pea Yesu. Lawi i humalele dunia ide, bara ara tauna ntanina, batena pea Yesu au natudu mai Pue Ala i manusia, hai Ia pea au Nabuku mohoremake hangko i huku dosanta.”

Yohane 1:29

Kahalona, Yohane moitami Yesu mai iria. Nauli i tauna bosa, “Nipeita! Oloumi mai Ana Dimba au napasilolonga Pue Ala. Iami au ina mopahuru watanta, mohuru dosanta.

1 Yohane 3:5

Hai niisa mpuu halalu, tunggaiana Yesu mai i dunia ide bona mogewo dosa manusia, nauri Ia haduduaNa, bara ara dosaNa.

Lukasi 2:21

Kahandana ualu alona tinuwuNa, anangkoi iti ratile moula adanda to Yahudi. Hai i tempo iti, Yesu rahanga moula lolitana malaeka hangko damani Yesu nakantimia inaNa.

Suro 5:31

hai Napopohuda ntanda i koanaNa. Naweimi kuasa mewali Tadulako hai Topehorema bona to Isaraeli menosohe hangko i dosanda hai molambihe peampungi.

Lukasi 1:31

Ina mantimiko, hai ina moanako hadua tobalilo au hangangaa nuhanga Yesu.

Titu 2:14

Yesu mokirami wataNa rapapate mohuru dosanta bona Nakabahake hangko i ope-ope babehianta au kadake, hai Napopewalike taunaNa au malelaha hai au madota mobabehi au maroa.

Lukasi 2:11

Kaindi ide i boeana Datu Daudi, rapoanakami hadua Datu au moanti katuwo maroa irikamu, iami Kerisitu, Amputa.

1 Yohane 1:7

Agaiana ane tuwoke i lalu kamabaa, nodo Pue Ala ara i lalu kamabaa, batenta mohintuwu hadua hai hadua, hai wahena Pue Yesu, Anana Pue Ala, ina mobahoike hangko i dosanta.

Suro 3:26

Ido hai Pue Ala mopatuwo hule Yesu AnaNa. Nguru-nguruna Yesu Natudu mai irikita to Yahudi bona Nawatike hai Naninike mampenosoi hinangkana babehianta au kadake.”

Pampetudungia 7:14

Kuhanai: “Barahe kuisa, ampu. Nuuliangaa wongkoia.” Nauliangaana: “Ihira iti, tauna au mamporaraimohe au rauli Tempo Pepopeahi-ahi au Rumihi Ntepuu. Hampinda rabahoi hai wahena Ana Dimba bona mewali bula.

Ibarani 7:25

Ido hai Nabuku mokabahake hangko i huku dosanta hai moweike katuwo maroa au bara ara kamakurana, asala mohungkukike Pue Ala i lalu hangana Yesu. Lawi Ia au tuwo i hae-haena hai mamperurui liliuke i lindona Pue Ala.

Lukasi 1:13

Nauli malaeka iti iria, “Ineeko langa, Sakaria, lawi pekakaemu nadokomi Pue Ala. Elisabet towawinemu ina moana hadua tobalilo. Anangkoi iti hangangaa nuhanga Yohane.

Matiu 1:25

agaiana bara manihe hampapaturua duuna Maria moana. I pesupaana Anangkoi iti, Yusupu mohanga anangkoi iti Yesu.

Yohane 4:42

hai mololitahe i towawine iti, “Ide-ide kipoinalai mpuumi, bara pea hangko i lolitamu, agaiana lawi kihadimi lolitaNa, hai kiisa kaIana mpuumi Datu au mohorema manusia hangko i huku dosanda.”